:
:
نهاية (( بيوك )) شجاع .. !!
يكتبها :
مبارك ال خليفه بـ (( لونين )) .. !!
الموتر اللي لوحته شـك ستـات
ــــــ واضف ثلاثه واربعـه فالنهايـه
رقمه خماسي واسود اللون بالذات
ــــــ بيوك واصبـح لـلاوادم حكايـه
عرّض على كل الشيش والمحطات
ــــــ وسوّا لنفسه فـي بـلاده دعايـه
يمر بي كل الطـرق والمسـارات
ــــــ ويدلني لا صـرت ضايـع وتايـه
اقرا عليـه الفاتحـه والتحيّـات
ــــــ لانه عزيـز ويستحـق العنايـه
لكن عيّت تعتمـده الكراجـات
ــــــ مدعوم ومهمل ولا له رعايـه
موقف ٍ في الدرب ماله كفرات
ــــــ وما عاد له باب ٍ ولا له مرايه
ياسين يا عودٍ غدت لك حكايات
ــــــ نهايتك ماهيـب أيـه نهايـه
|