من اللوعه صرخت وقلتها من خافقـن ملتـاع
امانه لا يجـي منـك مواقـف مالهـا داعـي
بما إني وصلت بحبكـم لـي مرحلـة الابـداع
دخيلـك لاترجّعنـي كـذا وتـزوّد أوجـاعـي
تراني لي زعلت ارد نصف الصاع لك بالصـاع
ولو غيري سمح وانصاع لك ماني بمنصاعـي
مشينا لاجل وصلك باع واردفنـا ببـاع وبـاع
ولا شفناك تمشي للوصل لـو حسبـة ذراعـي
مشى مركب غرامي فوق موجاتك بدون اشراع
وذلحين انتبهت لغلطتـي واصبحـت مرتاعـي
وبغيت اطلع ولكن آه كيف أقدر على المطـلاع
وانا من قبل ما ادخل ما حسبت احساب مطلاعي
عايض بن غيده
|