السلام عليكم ورحمة الله وبركاته

هذه القصيده الأولى في منتديات المرقاب

أرجوا أن تنال رضاكم وإستحسانكم

والشكر لكل من مرّ من هُنا /

[POEM="font="Arabic Transparent,5,black,bold,italic" bkcolor="transparent" bkimage="./images/backgrounds/17.gif" border="groove,4,gray" type=2 line=0 align=center use=ex num="0,black""]يقول الأزوري سلمـان حالـي = غدى كنّه مـن الونـات مالـي
يون القلـب ونـه كـل دقـه = ولحد(ن) داري(ن) عمّا جرالـي
تذكرت الديـار اللـي حظنهـا = ربيع(ن) من جنوب ومن شمالي
ديار(ن) في جنوب الطائف اللي = عشقته كثـر حبـات الرمالـي
تجرعت الغلا من صغـر سنّـي = كبرت وزاد من حـب الغوالـي
الا يالله عـبـدك لايـطــوّل = علاه البعد مع ظلمـى اليالـي
شربت من الزمن حلوه ومـره = وسبحنا ف البحر والموج عالي
ودعسنا بالقدم شوك(ن) وجمره = طفَانا الجمر بالشوك الطوالـي
ونحتنا ف الصخر شاعر تعذب = على فرقـى الأحبـه ياهبالـي
خلايا النحل سالت يـوم جينـا = وذقنا من الحلا حالـي حلالـي
أنا ماقول شعري لجـل أغنـي = ولا أدْعِـي لنفسـي بالكمالـي
ولكنّ الشعر يمشي ف وريـدي = ويغذي خاطري ويرتـاح بالـي
إذا جتني القوافي صحت صيحه = كما صيحت أبو زيـد الهلالـي
يموت الهـزل منهـا ويتبقـى = عظيم القاف نبني بـه جبالـي
ولا مـر الزمـن زال المعالـم = فلا زال الجبل شامـخ وعالـي
يتوه الشخص في دنيا غريبـه = ويلقـى مـن يدلّـه للعدالـي
بيوت الشعر لو كانت نصيحـه = غناتك عن جنيه وعـن ريالـي
تسمّع يالسنافي فـي نصائـح = ذكرها من قبل سيـد الرجالـي
أمـك ثـم أمـك ثـم أمــك = أحق بصحبتك من كـل غالـي
وجارك لامـرض زوره بمحلّـه = لو إنه كافـر بـرب الجلالـي
صلاتك يافتى هـي راس مالـك = ف دنيا ولا في يـوم الهوالـي
وصل الله علـى خيـر البريـه = عدد ما أمطر الـوادي وسالـي
يقوله من تغـرّب عـن ديـاره = وذاق المـرّ وحمولـه ثقالـي [/POEM]
,,,,,, وسـلامـتـكـم ,,,,,,,,