ياطير ياطيرياطير السعد ياللي ترف الجناح

---------------------------- لا وهنئك ليا ضاقت عليك الأرض خليتها

وان رحت وان جيت ياطير السعد تسبق هبوب الرياح

------------------------ واظن مافيه ديره فوق وجه الارض ماجيتها

ماانته بمثلي تجئ وتروح مايصعب عليك المراح

------------------- لكن ياليت جنحانك معي ياطير ياليتها

كله على شان ازور اللي رماني فالعنا واستراح

----------------- اللي على شانه الاقدام غنتني وعنيتها

من ماض الايام اشوفك قدم عيني فالمساء والصباح

----------------- واليوم حتى العلوم اللي تجيني عنه ماوحيتها

وليا نشدت العرب مااحد يعلمني عنه وين راح

------------------- واتعبت روحي وبالنشده عباد الله بذيتها

لا ياوجودي على شوفتك مره ياظبي البراح

------------------ ياللي على شانك العبره على الخدين هليتها

يابو عيون هدبها يزرق العشاق زرق الرماح

------------------ ذبحت روحي على كفك برمش العين واحييتها

وسلامتكم