|
ضيدان×سعد
سلامُ عليكم ,,
أضع بين أيديكم هاذه الرديّات الجميله عسى أن تنال على بعض رضاكم!
.
.
جمعت بين الشاعر ضيدان بن صبحان اللّزيزي العجمي(المسنّ)
و
الشاعر المرحوم سعد بن عبدالله بن حسين الهتلاني العجمي(الشاب)
صداقة مميزة رغم فارق السن الكبير بينهما إذ كان المرحوم سعد شاباً
بعكس صديقه المسن ضيدان,وحصل بين الشاعرين
رديات كثيرة تمتاز في الغالب بالطرفة حيث يحاول كلاً منهم إغاضة الآخر
في إطار من المزح الودود.
ولم تحل دون هذه الرديات سوا وفات سعد (يرحمه الله) عام 1991م
اثر اصابة بمرض السرطان الذي عانا منه طويلاً عن عمر يناهز 26 ربيعاً!
ونطرح لكم بعض من محاورات الموقف التي جرت بين (ضيدان و سعد "رحمه الله")
التي تمتاز بالطرافه(وكانت في دوله الكويت) :-
.
.
1- شاهي وحليب :-
في احدى المقاهي دار هذا الحوار الذي بداه ضيدان معترضاً
ضـــيــــدان:
[POEM="font="Simplified Arabic,5,darkred,normal,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]تطلب لي الشاهي وتطلب لك الحليب=وانا على الحليـب كبـدي ذايبـه
انا احمد الله يوم ما انت بلي نسيب=يقطـع صبـيً مـا يقـدر شايبـه [/POEM]
فـرد سعـد متأففـاً:
[POEM="font="Simplified Arabic,5,darkred,normal,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]قم واطلب لنفسك ترى مانت بغريب=ولاني بطالب لك ولانـي جايبـه
تبغى الكفيا يوم طريت المشيـب=واتعبتني مثـل الوزيـر ونايبـه[/POEM]
فـقـال ضـيـدان:
[POEM="font="Simplified Arabic,5,darkred,normal,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]في خوة الطيب انا مالي نصيب=ومن خوة الرديان نفسي طايبه
قد كان ظني فيك للعله طبيـب=والاريا بها مخطي وفيها صايبه [/POEM]
وكان رد سعد الأخير:
[POEM="font="Simplified Arabic,5,darkred,normal,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]كل يبي يرمي رفيقه فـي القليـب=وابليـس نـوخ عندنـا ركايبـه
علمته الممشى سبقني في الخبيب=اللـي علومـه كلبوهـا خايـبـه! [/POEM]
2-الخط السريع :-
بعد ان باع ضيدان التاكسي الذي كان يملكه راى زبون واقفاً
في الطريق فقال لسعد الذي كان يقود السيارة طالباً منه التوقف
وتوصيل الزبون :
ضــــــــيـــــــــدان:
[POEM="font="Simplified Arabic,5,darkred,normal,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]اللي يلّوح لك على الخط السريـع=الظاهر انه يا سعـد مـن ربعنـا
وقف ترى المعروف عمره مايضيع=خلاّية الرجلي مهـي مـن طبعنـا[/POEM]
رد سعد (رافض الوقوف) شك في الزبون:
[POEM="font="Simplified Arabic,5,darkred,normal,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]هذي سواتك قبل للتكسي تبيع=من لا يعرفك يبتلش في وضعنا
صاحبك هذا وقفته وقفة خليع=حنا على الشارع وريحه نشعنا[/POEM]
رد ضـــــــيــــــــدان:
[POEM="font="Simplified Arabic,5,darkred,normal,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]خله ونرجع له الى طاح الربيـع=ذا عرضته يمكن تفرق جمعنـا
حنا ما صدقنا ان حن ناتي جميع=وشفنا تهاوشنا وهو ما سمعنـا [/POEM]
رد ســــــــعــــــــد:
[POEM="font="Simplified Arabic,5,darkred,normal,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]طوفت لك هذي وحلم الله وسيع=ياللي تحاول للمشاكـل دفعنـا
لا تنفضح طعني وسرك لا يذيع=هذا وشكله مـا ينالـه نفعنـا[/POEM]
3- الطيور الحايمة :
جاء ضيدان الى صديقه سعد وقد احس ان عنده ثروة يخبئها في البنوك فباده قائلاً:
ضـــــــــــيــــــــــــدان:
[POEM="font="Simplified Arabic,5,darkred,normal,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]عطنا من اللي ياسعد ربي عطـاك=عندك فلوس في البنوك و نايمـه
وانا رفيقك دايـمٍ و امشـي وراك=وما ادري متى تمطر سماك الغايمه؟ [/POEM]
فـــــــــــرد ســـــعــــــد:
[POEM="font="Simplified Arabic,5,darkred,normal,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]اللي عطاني خير بالشحذه بلاك=هذي عطايا الله وذي قسايمـه
يومك حسود وتو مابين رداك=ما عندنا لك ما يفطر صايمـه! [/POEM]
وهنا جاء وقت التهديد والتذكير بما مضى فقال ضيدان:
[POEM="font="Simplified Arabic,5,darkred,normal,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]أظن من زارك ببيتك ما نساك=ولا أظن مثلك تنسي قدايمـه
يا رجل فكر زين والرب يهداك=عزم ترى الرجال من عزايمه [/POEM]
رد ســــعـــــد غـــاضـــبـــاً:
[POEM="font="Simplified Arabic,5,darkred,normal,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]تعش عندي جعل ما تاكل عشاك=عسى تعشاك الطيـور الحايمـه
واللي لنا جابك عسى يقلع مداك=واللي يبي فرقاك محـدٍ لايمـه [/POEM]
وانـهــي ضـيــدان الـحــوار بـالـقــول:
[POEM="font="Simplified Arabic,5,darkred,normal,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]لا تحسب انا قاعدين في رجاك=وعاد الجمل يمشي على قوايمه
يالله يالمعبود جارك ودخـلاك=راحت خسارة ذا الصبي تمايمه![/POEM]
4-أحلام تاجر:
قصيده تحمل أماني جميله لضيدان وجمع معه صديقه سعد 
ضـــــــــــيــــــــــــدان:
[POEM="font="Simplified Arabic,5,darkred,normal,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]ياليتني تاجر وبيتي علـى الطـاش=ومساهم فـي نفـط بحـر الشمالـي
واشري من اللي تنطح السحب بالكاش=ماهمني لـو قالـو السعـر غالـي
واحجج اللي كـاده العسـر ببـلاش=وادفـع ملاييـن زكــاة لمـالـي
وعندي سعد يعمل مقهـوي وفـراش=وليا بغيت امشـي يطـرّف نعالـي
رجلٍ نعرفه زيـن ماهـو بغشـاش=وليـا طلبتـه حاجتـاً جابهـا لـي![/POEM]
فرد عليه سعد غاضباً حيث قال :
[POEM="font="Simplified Arabic,5,darkred,normal,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]البارحه فكري من الهم منـداش=من واحد طرّش كتابه وجالـي
والله مالي خلق نمزح مع اللاش=اللي تمنى الخير له والعنا.. لـي
وقد قلت له دعواك بترد بهواش=وأرسل مكاتيبك على احد بدالي
او اعتذر ما دام الاوضاع تنّاش=والا..قلبنـا الاولات التـوالـي
ياصعب فهّامك وتفهيم الادباش=وبيّن عليك انك تكـتّ الدحالـي!
واليوم كثّرت التمني علـى مـاش=يازين ضربك بلعصا والعقالـي
وربعك يعرفونك:كميّخ وعماش=وجهك ماهوب إمن الوجيه الطوالي
يوم انت لاجوك المسايير تنحاش=مثل الثعل من رافعات الذيالـي![/POEM]
للعلم:
رديّات ضيدان وسعد كثيره جدّاً جدّاً ولكن حبّيت أختصرلكم بهاذي
وسامحوني على القصور واتمني ان تحوز على رضاكم
تحياتي
فهيد بن عصيدان
BREAK
أحبّك .. كلمةٍ حاولت أترجمها ولاترجمت :=شعورٍ تزدحم فيه الضلوع ويعقد إلساني .!
fheed_21@hotmail.com
|