منتديات المرقاب الأدبية - عرض مشاركة واحدة

08-12-2006, 08:55 PM

هلا هلا يادكتور ,,

ولو اني اشوف ان مكانها الشعبي

لكن نسخه باللون المحبب لي رياضياً ولك نفسياً

يا طيب القلب لا تزعل وصدرك يضيـق
____________ أطلق حجاجك على الدنيـا وصكاتهـا

ما دمت بالعافيه عايش و وجهك طليق
____________ تحمّد اللـي عطـا نفسـك معافاتهـا

الروح مثل البحر والهمّ مثل المضيـق
____________ ولو يلتطم موجها يا سـرع ضيقاتهـا

أنته بشر .. والبشر فيهم عدوّ وصديق
____________ والنـاس بالنـاس مبنيّـه علاقاتهـا

لا تترك العاطفه من نومهـا تستفيـق
____________ ألا مع اللي تصون الحـب فـي ذاتهـا

شف للمشاعر طريقه والهوى له طريق
____________ الضاويـه ودّهـا والسارحـه هاتهـا

أحذر من اللي لها في كل حاره رفيـق
____________ اللي لصفق الهـوى تسـرد حكاياتهـا

تلحق نجوم السماء حتى عليها تويـق
____________ والأرض تآكـل عقاربهـا وحيّاتـهـا

متفّرقه للنشامى مـن فريـق لفريـق
____________ تحلم في روس الجبـال تـرزّ راياتهـا

أماّ تجرّ الندم .. وإلاّ تشـب الحريـق
____________ ولابد تأخـذ نصيبـك مـن حركاتهـا

لو كل ورده صناعيّـه تبـثّ الرحيـق
____________ كان البساتين مـا نشفـق لورداتهـا

الله يزيدك ياعلم