غالب الشريف

س1/ جاك رجال تكانه و صادق في جيته و يبي يخطب.. بس شرطه يشوف
وجه الخطيبه (اختك او بنتك) على الشوفه الشرعيه التي وصفها النبي..
هل تتفق و توافق الشريعه هنا ام ترفض الشريعه ؟؟

كانه على ما قلت رجال تكانه و ناوي الخطبه
يبشر بالسعد
امسك شرع الله و اضرب بالعوايد عرض الحيد
و تراني من اكثر الناس المطالبين بتطبيق السنه هذي اللي اندثرت تحت قبعة " العوايد "
يقول الرسول صلى الله عليه وسلم :
( حدثنا أبو بكر بن أبي شيبة ثنا زيد بن الحباب ثنا كثير بن عبد الله بن عمرو بن عوف المزني حدثني أبي عن جدي أن رسول الله صلى الله عليه وسلم قال من أحيا سنة من سنتي فعمل بها الناس كان له مثل أجر من عمل بها لا ينقص من أجورهم شيئا ومن ابتدع بدعة فعمل بها كان عليه أوزار من عمل بها لا ينقص من أوزار من عمل بها شيئا )


س2/ طلبك واحد تشهد له و انت صادق في شهادتك .. يعني ماهيب شهادة
زور.. و يوم قابلت الشيخ.. قال الشيخ شهادتك ما اقبلها.. لأنك يا حالق اللحيه
أو تشرب التتن. أو مسبل ثوبك.. و هذا الشيخ عنيد.. وش راح تكون ردة فعلك
و كيف راح يكون شكل وجهك بين الناس الجالسين؟؟ يعني كيف راح تتصرف؟

بقول الدين مهوب في اللحية و الا في الثوب و الله يجزاك خير بلقى لي شيخ غيرك
ولولا الله ثم المنصب اللي انت فيه و اكرما" له والله لا اعلمك علم بيني وبينك

س3/ انت معزوم على عشا عند رجال و العشا لك انت يعني انت الضيف..
و الجار هذا من قبيله و انت من قبيله.. و يوم جيت تروح للعشا بعد صلاة
العشاء الا و هذولا ضيوف جايينك لأول مره.. انت تبي تاخذهم معك للعشا او تتركهم
بدون حق الضيافه؟؟ مع العلم انهم رفضوا يروحون معك لعشا الرجال اللي
مضيّفك.. و لو ما سوّيت عشاهم راح يزعلون و يمكن يسرون من ليلهم..
يعني فيهم البداوه الشديده الى ابعد حدودها.. و المشكله ان الجار هذا ما يعذر مره..

بقول ان رحتوا معي فمرحبا و مسهلا الا ان كانهم واجد و الرجال ماحسب حسابهم
والا فالأدنى سديد بتصل على حدا الاخوان و الا عيال عمي يسنعهم الين اعود عليهم


س4/ اصيبت زوجتك و ( ابنتك ) ذات الست سنوات لا سمح الله باصابات قاتله..
و انت مضطر لأخذ احدهن و ترك الأخرى لأن سيارتك ما تشيل
معك الا شخص واحد.. فمن تأخذ الى المستشفى و من تترك يواجه مصيره؟؟

الله يكفينا الشر العاطفه تقول اخذ البنت و العقل يقول اخذ الزوجة
لكن ان حدتني الظروف باخذ زوجتي و البنت بيعوضني الله فيها اما لا راحت الأم بتقعد البنت يتيمة
لا لها أم تسنعها وان تزوجت لي و حدة غير امها ما عاضتها فأمها و بتشين فالها بعد
هذا ان كانها ماتت البنت وان كانها ما ماتت فالحمد لله

س5/ لم يعطك الله الا ولداً وحيداً فقط و بعدها كتب الله عليك عدم الانجاب
و هذا الولد عمره 15 سنه يعني املك الوحيد في الدنيا.. و لك اخ واحد فقط
في هذه الدنيا.. و ليس لك اخ غيره.. و خُـيّرت بأن تفتدي احدهما بالآخر..
يعني واحد منهم راح يلامج المقصله.. و الآخر راح يبقى معك.. من تختار
للمقصله و من تختار معك؟؟؟ مع ان الولد يستغيث بك و الأخ مسلّم الأمر
لك في مصيره و تشوف الأمل في عيونه انك راح تنقذه...

كان اخوي رجال قد عمره مقفّـي فالله يستر عليه و الله يعوضه بالجنه
وان كانه توه شباب فالله يعوضه بشبابه في الجنه


س6/ انت ساكن في حيّ و هذا الحيّ لا يوجد فيه من قبيلتك احد سواك..
يعني انت اللي تشيل اسم قبيلتك في هذا الحي من بين بقية القبائل الأخرى..
و عزمك جارك على عشا لضيوف من ربعه.. و عزم كذلك بقية الجيران..
و جيت انت و ما شاء الله تبارك الرحمن ملكت المجلس بالسوالف و العلوم
الغانمه و تكابروك الضيوف و اعجبوا بك و بحضورك الرجولي الكبير..
المهم قمتوا على العشا.. و حلفوا عليك الضيوف الا تكون معهم و بالفعل
قمت معهم.. المهم و يوم جيت تجلس معهم يامرك الله و انت ( اتخـَـثـَـع )
الا و انت متربّعٍ بيديك في جوف الصحن و جيت ترفع يدينك من حرارة الرز
و المفطح و انت تخثع بركبك الا ركبك في جوف الصحن.. المهم راح المفطح
في لوذه و الرز في لوذه و انت حالتك حاله و الضيوف حالتهم حاله ..
سلامات سلامات و ما تشوف باس... مع ان الباس كله متقـنّـعك.. و احرمت
الضيوف عشاهم و خرّبت على جارك ضيفته.. انت بعد ما غسلت من البلاوي
اللي انت سويتها .. وش راح يكون موقفك و كيف راح تعالج الموقف..
سواء موقفك من عشا جارك لضيوفه او موقفك من الضيوف او موقفك من
نفسك.؟ هل:
1- راح تجيب لهم عشا مندي؟؟ هذا اذا حصّلت بعد..
2- راح تسوي عشا لهم في بيتك.. مع العلم ان ماقفة الغنم مسكّره..
3- راح تعتذر بالكلام و تعزمهم على عشا القابله؟؟ مع ان جارك له حق و ضيوفه لهم حق..
4- راح تسوي ذبيحتين والا عشر؟؟؟ مع انك لو تسوي مية ما تساوي فشيلتك قدامهم..

او راح يكون لك رأي آخر؟؟ و ماهو ؟؟

بقول علي الطلاق يا عشاكم القابله انه علي في بيت ابو فلان " جاري " وقفيتها والله ان عشاكم انه علي في بيتي و مرحبا و مسهلا
اما الليله فالله يجعل الحمّص و المقبّلات مهيب العوض في عشاكم اطلبوا الله

.



الموقع بعشر لغات .!
http://mohammad.islamway.com/


ديواني