تفاعلاً مع قصيده عبدالرحمن الغنامي : شاعر المليون .. جادت قريحة الامبراطور والدكتور بهاتين القصيدتين .. وعزالله ان مكانهم ماهوب هنا ولايهون تواقيع الاعضاء ..

عبدربه يقوول ..

سمعت ابو عيد جر لحون
ويلعب بيوتٍ جزيلاتي

وجاراه شبيه ابن لعبون
سداح دكتور الابياتي

تعبيرعن وضعنا المشطون
طاير ولاهوب متواتي!

وأنا أبا أسوي ولامن لون
لكنـّي أقول ماياتي :

( الشعر ماعاد معه عيون
أعماه فعـل البلاياتي

حطوه مهنه وجاء ممهون
دايخ من ازعاج الاصواتي

تكفون ياهل الظفر تكفون
موروثنا روّح اشتاتي

يشرون بسمه ويبتاعون
هو لاه ماسوّوا سْواتي ؟!

فقري ماحتى دخلت الشون
ولا قلت يابورصه هاتي )


..



وسداح يقووول ..

..


لا هوجس الشاعر الدندون
غنا بروس الطويلاتي

وبلهون جر اللحن بالهون
وعبـّر بحلو العباراتي

يحدني قافه الموزووون
أبدي ما كنيّت في ذاتي

دوبك على الخاطر المشحون
لين أتحررّ من سكاتي

غسلت يمناي بالصابون
عن ناشرين الدعاياتي

تجمّعوا صاحي ومجنون
والله يديم المسراتي

وتفرقوا وأقرشوا مالون
ومن راح ممنوع لا يآتي

لا شفت من ينفخ البالون
قله يابو عيد هيهاتي

واقرا على شاعر المليون
الفاتحه والتحياتي