من صارع ايامه ... يقاسي مرارتها
والناس في وقتهم .... غالب ، ومغلوبي


فكرت فــ الناس ، والدنيا وحالتها
أراجع اللي مضى ،، واحســّــب ذنوبي


وطرت علي قصة ٍ .....تصعب روايتها
قصةغرام ٍ تخلي قلبي يذوبي


قصة... مع اللي خذت قلبي محبتها ....
لين اصبحت غاية مرادي ، ومطلوبي


أحب منطوقها ،، واشفق لهرجتها
وعدّا غلاها ...غلا يوسف ليعقوبي !!


جتني !! .... وهي من الخجل تقصر بخطوتها
تمشي على هون ،، وتلد النظر صوبي


ومن قبل تنطق ، عرفت اللي بنيــّــتها
وعرفت علم ٍ قبل ماكان محسوبي



وايقنت ..... من بعد ماشاهدت عبرتها
انّ ابه شي ٍ حصل ماهوب مرغوبي


لاعادك الله كلمة يوم قالتها....
( مع السلامة ) ترى اهلي عنك قفــّــوا بي


حاولت _على الاقل _ ارد كلمتها
لكن لساني عجز ، والقلب مصيوبي


احترت ... والنار شبت بي شبوبتها
ماباقي الا البكا .... ضاقت بي دروبي


نار الحشا لـَــحقت العين بحرارتها
وهلـّــت دموع ٍ من العين احرقت ثوبي !!!!


واليوم ،،، لو ارحلت فــ الفكر صورتها
وتبقى الرسايل ،،،،، ويبقى الخط مكتوبي