ما غيّب الموت حـي ولا حيـوا ميتيـن
لو انهم في الحياه أحيـا جسدهـم كفـن
كم مندفن في الثرى ذكره وصيتـه يبيـن
وكم حي فوق الثرى ذكره وصيتـه دفـن
ذكر الحيا ما يغيـب وطـاري الطيبيـن
والحي يحييـك والميـت يزيـدك غبـن
والموت ما غيّب الشامخ كريـم الجبيـن
لو غاب عنا جسـد معنـا تبقّـى وطـن
عليه منـا السـلام ودعـوة المسلميـن
وجزاه ربي عـن الدنيـا بجنـة عـدن
ومْرافـق الأنبيـا ومْجـاور الصالحيـن
في يوم يكرم به المؤمـن وغيـره يهـن
وحنا لنا الصبر في ( جابر ) وربي يعين
لو ان فرقاه فـوق الصبـر مهمـا يكـن
والدمع لو جف ما جف الغـلا والحنيـن
لو هي تطول المسافه ويتمـادى الزمـن
والوقت ما هو بشرط انه علاج الحزيـن
واكبر دليل الشجن لا زال هـو الشجـن
والحزن ما هو بثوب اسود ولا دمعتيـن
الحزن لا من بكى قلبـك هـذاك الحـزن
واللّي زرع في القلوب من الوفا ياسميـن
جنى من الياسمين قلـوب فيهـا سكـن
واللّي بنى في الصدور من المشاعر عرين
هذي سنه والصدور تْسـدّدْ لْـه الثمـن
يطري علينا مْنين وننتمـي لـه مْنيـن
من طيبه ومن وفاه وْوقفته فـي المحـن
راهن على قلوبنا حتى استبـاح الكنيـن
وانا اشهد انه ربح شعب وكسب له رهن
في كل مبنى نشوفـه ساعـدٍ مـا يليـن
شموخ ماله وصيف وفن من فكـر فـن
وفي كل شارع نشوفه من يسار ويميـن
انجاز واعجـاز ودْروب ونجـاح وركـن
كل الشوارع عليـه تْـودي وكـل عيـن
يسكن بها نون وتْغطيـه رمـش وجفـن
والله لْيبقى على طول المـدى والسنيـن
في العين والقلب واذكـاره تْـراود ذهـن
الله الله الله الله
والله والله ابدعت يا مرزوق
ورحم الله الشيخ جابر واسكنه فسيح جناته
قصيده قمه وجزله لله درك
صح لسانك ولاهنت
|