لاخير في شعرٍ يجي فيه تقصير
فالذود عن سمعة حبيب الصحابه
المصطفى اللي له مكانه عن الغير
فداه روحي ماتفيد الكتابه
وشلون ابكتب والمصايب مناحير
واكبر مصيبه في زمان الغرابه :
لا والله ألا ذا الزمن جاه تغيير
حتى النبي مسّوا شرفه الكلابه
أن كان ما غرنا متى قلّي نغير؟
هذا السؤال اظن ماله إجابه
متى على الله نرفع الصوت تكبير
السيف طالت مُدته في جرابه
آمر يابومتعب نجيلك طوابير
ناطا على درب الخطر ما نهابه
وجه السعد نلمح بوجهه تباشير
لا قال ابو متعب يثبّت جوابه
مع وقفة حماة البلاد المغاوير
اللي بمان الله تحكّم كتابه
يرجع لنا ماضي الرجال المسافير
دعواتنا يالله منْك استجابه
حي القرار اللي يجي فيه تاثير
سحبة سفير المملكه يعتنابه
صدّر قراره حاكمٍ كنّه النير
في موقفه للدين دايم صلابه
واللي يقاطع منتجات الخنازير
لجل النبي يلقى من الله ثوابه
وش فايدة جمع الذهب والدنانير
ونبيّنا الصادق يدنّس جنابه
قدر النبي علاّه والي المقادير
حقٍ عليه ان ينصره في كتابه
غلاه يجري فالمعاليق ويسير
اللي نقل دين الولي واعتنابه
مواقفٍ ماهيب تحتاج تبرير
يا أمة المليار لا وآسفابه
ماعقب تدنيس المصاحف معاذير
ولا عقب سب المصطفى من نهابه
ولا ظنتي عقب المعزّه مخاسير
الموت أرحم من حياة الكآبه
عشنا وشفنا ياحياة التحاسير
والدين ما عزّوا جنابه شبابه
ان كان ما غاروا وصفّوا جماهير
جعل الردي الله يعجّل ذهابه
وختامها عد المزون المزابير
وعداد ما سار القلم للكتابه
صلّوا على اللي خصّه الله عن الغير
فداه روحي والأهل والقرابه
الله الله الله
مبدع ولايحتاج اعلق
خابر رايي ياابومحمد
قصيد يهز جبال ويفور الدم
صح الله لسانك مليون في مليون
لكن انا شاره عليك
وين هالغيبات يااخوي ترى لمتابعينك حق عليك لاتنساه
تحياااااااااااتي
|