[POEM="font="Simplified Arabic,5,black,normal,normal" bkcolor="transparent" bkimage="./images/backgrounds/19.gif" border="double,4,gray" type=2 line=0 align=center use=ex num="0,black""]سلام نبديبه تحيه ومفتاح = سلامن احلى من حليب المطايا
سلام طيب وود وسرور وسلاح = سلام منه تهون كل الرزايا
سلام يحمي عبد ربه لياطاح = سلام له بين المزايا مزايا
سلام له معنى ومضوا ومسراح = يغشاك من ربي جزيل العطايا
ربا خلقنا دم وعضام وارواح = واسرار مكشوفه والاخرى خفايا
فيناشقي وسعيد وابتر وسفاح = قوم"عظام وتاليتنا ضحايا
7- ياقوناوقت السعادة والافراح = ويا ضعفنا ساعة تحل المنايا
والخاتمه كلن له الموج يجتاح = مايسلم إلا طيبين النوايا
اللي سجود لطاعة الرب سباح = شرواك يبن العم زين السجايا
لك فالفضا سمعه وللبحر سباح = وفالبر قايد مايرده سرايا
يالي لزلات السفاهين دماح = ماشي صحيح ولا تحب المرايا
عقلك رزين ولك مواقف ومرواح = تكفيك عن لحم العظام الحوايا
غني شخصك مايبا صوت وامداح = مشهور مثل الحصن بين القرايا
لوكل ماتحويه من طيب وارباح = يكتب كتبته في عروض الهدايا
لكن يكفيني من العقد مصباح = شاهد على كشف الوطأوالزوايا
شرواك ياعيد العتيبي إذاراح = يرفع رجيف القلب بين الحنايا
وان جيتني يطرب لي البال وارتاح = ويصد فكري عن جميع الدوايا
اقولها من جد ماني بمزاح = ولاني من الي ينقلون الحكايا
اناقثامي من بعيدين الاشواح = اهل الوفا ربعي وساع النهايا
تاريخهم من ماضي الوقت وضاح = صفحات تبرز ماعليها غطايا
الله يوفقناعلى درب الافلاح = واستغفر الله من جميع الخطايا
وصلاة ربي عد مابارقا لاح = على النبي حلال كل القضايا [/POEM]


[POEM="font="Simplified Arabic,5,black,normal,normal" bkcolor="transparent" bkimage="./images/backgrounds/19.gif" border="double,4,gray" type=2 line=0 align=center use=ex num="0,black""]يا مرحبا ترحيب بالطيبة فاح = ترحيب كامل من جميع النحايا
ترحيب طيب احلى من اثمار تفاح = يشبه حلا جني النحل في الخلايا
ترحيب نوره كنّه الصبح منباح = شروقه ينور سماه وسمايا
بعد الجمل ظهره مع الراس قد راح = حتى سنامه ما بقي له بقايا
أخذه بعيد الراي بسيوف ورماح = شيٍ طبخ والشي الاخر شوايا
وش عاد ادور فيه بعد السمن ساح = وامسى على ما قيل ضمن الوفايا
لكن ابا اركّب له اسبوق وجناح = وابيه في دربه يسوي سوايا
مادمت متخصص ودكتور جراح = واخذت من وقتي دروس ووصايا
ابا ارسله والطيب في صدره وشاح = للشاعر الغالي بعيد المدايا
الشاعر اللي في هوى الطيبة شاح = في المعرفة والطيب ما له حلايا
شيخٍ على درب الهدايه والاصلاح = يسج خيله للعلوم القوايا
على المراجل مسرج خيول جماح = ما حط راسه في طوال الفيايا
في مبتغاها من عنا الوقت ما ارتاح = عن النفاق بعيد واعن الدنايا
بالجود كفه كنه الجم فياح = يعطي ولا يطلب لبذله سمايا
هذاك عبد الله على طول الأشباح = في كل جابه من خيار اقربايا
صدق ووفا واخلاص مع حزم واسماح = أقولها بالصدق ما هي حمايا
بحر العطا بحر الندى سيف ذباح = هواه دايم يجتمع مع هوايا
وأقول من قلب يعانقك يا صاح = بالورد بالريحان عطر البرايا
انا على دربك يابو زيد سواح = رافع على طيب المعاني لوايا
ما اخطي طريق الحق مهما الزمن ناح = ولا ادير للرفقه واهلها قفايا
النير ثابت ما تحركه الأرياح = وانا سواته لو تقوم القصايا
يكفي عن التصريح تلميح لماح = واقبل من المرسل كثير التحايا

وسلامتكم [/POEM]