منتديات المرقاب الأدبية - عرض مشاركة واحدة

23-01-2007, 01:59 AM

بين روح الوجود ونازعات المـرام
تلتقي صفوة احساسـي ومضرابهـا
ودي الحق مشاريهي واعد المـلام
قبل بعض السوالـف ينقفـل بابهـا
دام الاصحاب يربطها ولاء الاحتـرام
قطعة الوصل من ياقف ورى اسبابها
ان هرجنا غبينه وان سكتنا حـرام
واللحى مالهـا الاهيبـة اشنابهـا
مايطيح المطر لا شح وصل الغمـام
والديرّ كل ديره ربعهـا اولـى بهـا
يا حشام النفوس الطيبيـن الكـرام
وين نار الحياه .. ووين شبابهـا ؟
والله انا ( عطينا ) واجبـات التمـام
لـالصلات الحقيقيه ولـاصحابهـا
في سبيل انبعاث النور قبل الظـلام
و كل خطوة غريبه نحسب حسابهـا
مير هب الهوى العاتي ومات الكلام
والحروف اوقفت في طرس كتّابهـا
لين ربي يعجّل في حلـول السـلام
من يعوج الجمال .. يعدّل ارقابهـا

الله اكبر الله اكبر

لو لم اكون على علم بطريقة الموضوع قلت هذي قصيده شاعرها قاعد شهرين يظبّط فيها

الاستاذ المدير/عناد النفيعي

والله العظيم ابدعت