مشاعر الحب هوج ٍ موجها عـاتي
ــــــــــ صادمتها بالثبات و لا خضت إلها
ما غير اكوسر لحوني و اطرق أبياتي
ــــــــــ أصوغها لك و أعدلها و أبـدلها
يا منتهى غايتي و أول بداياااااااااااااتي
ـــــــــــ جمايلك لا نويت تغيب ؟ كملها .!
أشغلتني عن دروسي واختــباراتي
ــــــــــ من يمك أستقبل الأشواق وأرسلها
قفيت بالماضي وعينيك على الآتي
ـــــــــــ يعني جميع الفرص لازم تحللـها ؟؟
حبك حكاية جديدة من حكاياتي
ــــــــــ حكاية شاب راســي من مقاااااابلها
ركّزت في مرقب العشاق راياتي
ــــــــــ رفعتها فوق - و ابــن أمه ينزلها.!
ما لعْب في المسلمين إلا طموحاتي
ــــــــــ من كثر ما قامت العالم تنـــاقلها ..
يالربع هو به حد ٍ سوّي به سواتي ؟!
ـــــــــــ من زود الإخلاص خربها من أولها .!
أجيه لين أصله و أشتاق و أحاتي
ـــــــــــ و الظاهر إن تالـيتها با تحصلـها ..
والله ابداع يا غالب ..
من لايعرف المرقاب ويدخل مباشره لهذا الموضوع يدرك ان هذا الموقع يضم شعراء مقتدرين .. واعتقد من الضروري ان يكون هذا الموضوع في موقع مشابه للمرقاب لكي ينجح !!
عاد فيه مشابه للمرقاب ما أعتقد !
أكرر شكري لصاحب الموضوع ولجميع مبدعي المرقاب في هذا الصرح ،،
...
|