محمد بن مصوّي

يقول خالد الحصين

[POEM="font="Simplified Arabic,5,darkblue,bold,normal" bkcolor="transparent" bkimage="" border="double,5,black" type=2 line=0 align=center use=ex num="0,black""]تداحمـوا يـا عاشقيـن االكـوره=لكـن لا ينهـار سـور الـنـادي
اهل اليمن لـو ياخـذون الـدوره=قولوا لعشـاق الازيـرق ..عـادي
وبقـول انـا (مقولـةٍ مشهـوره)=لو لا الجبل .. ما سال سيل الوادي
اثر القمـر لـولا انبلاجـة نـوره=مـا عـاش لا راوي ولا نشّـادي
راح الزمن .. والا انحنى باكـوره=المجد يبقـى .. والفخـر منقـادي
والبرق يبرق وارضنـا ممطـوره=والذود ذودي .. والشداد شـدادي
لكن يا شحرور .. اخذ شحـروره=ولا تلفّـت فـي منـادا .. منـادي
تراك مهما رحت .. (مـا) نافـوره=وانا لـك الله مـا حدانـي حـادي
الا ان نفسـي ماهيـب مسـروره=مما يدل .. انّ نص هرجي ..غادي!
وطيـرٍ يحـك بمخلبـه دنـقـوره=ان صـاد والا ماهـوب ينصـادي [/POEM]



يقول مبارك ال خليفه


[POEM="font="Simplified Arabic,5,darkblue,bold,normal" bkcolor="transparent" bkimage="" border="double,5,black" type=2 line=0 align=center use=ex num="0,black""]يا منتدى المرقاب يا مشهور=غالي ولك حشمه ولك مقـدار
وانا على التصريح بك مجبور=لانك قطعت من الغلا مشـوار
حبي لغيرك همّش ومخطـور=والا العيـاره فقعسـة عيّـار
غلاك له فوق السنين شهـور=ما وصّله سابـح ولا طيّـار
ياللي تشابه خايـعٍ ممطـور=ينبت من ابداع القصيد اشجار
من يستلذ الشعر بك مسرور=ولا له مـن متابعـك معـذار
واليا تعـذّر ماهـو بمعـذور=الا لا لدنّـه صـدوف اقـدار
دام الزمان اللي عليك يـدور=موفق وغيرك زمانـه جـار
تبقى لنا قصرٍ حماه السـور=من كبـري الابـداع للـدوّار
فرايدك كنها البنـي الحـور=اللي بظل الدار وانـت الـدار [/POEM]


يقول سلطــان


[POEM="font="Simplified Arabic,5,darkblue,bold,normal" bkcolor="transparent" bkimage="" border="double,5,black" type=2 line=0 align=center use=ex num="0,black""]بين روح الوجود ونازعات المـرام=تلتقي صفوة احساسي ومضرابهـا
ودي الحق مشاريهي واعد المـلام=قبل بعض السوالف ينقفـل بابهـا
دام الاصحاب يربطها ولاء الاحترام=قطعة الوصل من ياقف ورى اسبابها
ان هرجنا غبينه وان سكتنا حـرام=واللحى مالهـا الاهيبـة اشنابهـا
مايطيح المطر لا شح وصل الغمـام=والديرّ كل ديره ربعها اولـى بهـا
يا حشام النفوس الطيبيـن الكـرام=وين نار الحياه .. ووين شبابهـا ؟
والله انا ( عطينا ) واجبات التمـام=لـالصلات الحقيقيه ولـاصحابهـا
في سبيل انبعاث النور قبل الظـلام=و كل خطوة غريبه نحسب حسابهـا
مير هب الهوى العاتي ومات الكلام=والحروف اوقفت في طرس كتّابهـا
لين ربي يعجّل في حلـول السـلام=من يعوج الجمال .. يعدّل ارقابهـا[/POEM]



يقول سـداح

[POEM="font="Simplified Arabic,5,darkblue,bold,normal" bkcolor="transparent" bkimage="" border="double,5,black" type=2 line=0 align=center use=ex num="0,black""]يا اللي تواعدني على راس الجبل=ونارك على راس الطويل تشبّهـا
لو ان راسي شاب عودي ما ذبل=ومثلي ليا شاف الجبـال ينبّهـا
لكن ابكتب وارفع اقلامـي قبـل=لا تجحد الاقلام من يكـ.. تبّهـا
ولو تنشد الجمال عن حب الابـل=ماهوب داري كيف ياصف حبّهـا
البـدو تاخذهـا وتعطيهـا دبـل=والحضر تحقنها لهـم وتصبّهـا
كل ٍ يشد الحيل ويمـس الحبـل=وان دقّرت يا ربّها .. يـا ربّهـا
ابعد عن المجنـون لادق الطبـل=خذها نصيحـه والمهبـل كبّهـا
والخبل لو يحفظ جزو عمّا .. خبل=المسلميـن يذمـهـا ويسبّـهـا
راسه قزاز ومخ راسه من ربـل=متعلق ٍ بيـن الجـروح وطبّهـا
شابت عيون معابليـن ام العبـل=ماغير ترقص والهبـوب تهبّهـا[/POEM]



يقول غالب الشريف



[POEM="font="Simplified Arabic,5,darkblue,bold,normal" bkcolor="transparent" bkimage="" border="double,5,black" type=2 line=0 align=center use=ex num="0,black""]مشاعر الحب هوج ٍ موجها عـاتي =صادمتها بالثبات و لا خضت إلها
ما غير اكوسر لحوني و اطرق أبياتي=أصوغها لك و أعدلها و أبـدلها
يا منتهى غايتي و أول بداياااااااااااااتي =جمايلك لا نويت تغيب ؟ كملها .!
أشغلتني عن دروسي واختــباراتي=من يمك أستقبل الأشواق وأرسلها
قفيت بالماضي وعينيك على الآتي =يعني جميع الفرص لازم تحللـها ؟؟
حبك حكاية جديدة من حكاياتي =حكاية شاب راســي من مقاااااابلها
ركّزت في مرقب العشاق راياتي =رفعتها فوق - و ابــن أمه ينزلها.!
ما لعْب في المسلمين إلا طموحاتي =من كثر ما قامت العالم تنـــاقلها ..
يالربع هو به حد ٍ سوّي به سواتي ؟!=من زود الإخلاص خربها من أولها .!
أجيه لين أصله و أشتاق و أحاتي =و الظاهر إن تالـيتها با تحصلـها [/POEM]



عبدالله بن قنيص يقول

[POEM="font="Simplified Arabic,5,darkblue,bold,normal" bkcolor="transparent" bkimage="" border="double,5,black" type=2 line=0 align=center use=ex num="0,black""]البارحه صلف الهبايب ماهو بذعذاع نود = لا هبني كل الهموم المقفيه ياتي بها
واهيم وهمومي تهيم وكن ماني في الوجود = والمقبلات من اليالي ماعرفنا غيبها
ياصاحبي ماعاد تفرق ينقص الحب او يزود = الاوله ياطيبها والثانيه ياطيبها
صحيح كنت اغليك لاكنك تعديت الحدود = اهديت لك روحي غلا واسرفت في تعذيبها
ولاعاد باقي من غلانا غير باقات الورود = وان قلت لي حليبها ماقلت لك حليبها
يجود حرجي من صدا ذكراك والا مايجود = ماهو مهم .. اهم شي ان النصيب يصيبها
ماني براعي مصلحه واهل المياعه والبرود = كانك قدرت تردها ماقلت كيف تجيبها
اعلنتها والناس تشهد وانت من ضمن الشهود = والا القوافي ماني بمجبور في ترتبيبها
يجي عليها رد والا مالي ومال الردود = صحيبتً عزيتها من عقب فقد صحيبها
روح وتعال وسوّ كل اللي تبيه الا السدود = ان جيت لاتقبل بها وان رحت لا تقفي بها [/POEM]




محمد السبيعي يقول


[POEM="font="Simplified Arabic,5,darkblue,bold,normal" bkcolor="transparent" bkimage="" border="double,5,black" type=2 line=0 align=center use=ex num="0,black""]هذا الهوى لا صفى جوّه=عوّدت الحن له الحاني
احسب الايام محلوّه=وغصن السعد مثمرٍ داني
لين اضرم بخافقي ضوّه=وذوّب من الهم شرياني
والصاحب اللي على الخوّه=وش فيه راح وتناساني
عايش على ليته ولوّه= و اقول لا حن لي جاني
ويلي على الغيث من نوّه=وويلي على صدره الحاني
تو الهوى يالغضي توّه=خلك معي والعمر فاني
عمرك ليا طال ياشوّه= والاولي يلحق الثاني
و الحب ماهوب بالقوّه=بالهون يارابع إخواني
بالهون واللي تبي سوّه=في يدك وصلي وحرماني[/POEM]



يقول سعد براك



[POEM="font="Simplified Arabic,5,darkblue,bold,normal" bkcolor="transparent" bkimage="" border="double,4,black" type=2 line=0 align=center use=ex num="0,black""]يدق في بالي من البعد هاجوس=واجر صوتي بالقوافي وأغنيّ
لو إنها بالروس ومصادم الروس=ضحكة حجاجي قبل ضحكات سنّي
يا خوى لابسني من الحزن ملبوس= كنه تلبسني تلبّاس جنّي
رجلٍ من صدوف المقادير محسوس=مانيب مع جور الزمان متهنّي
احبس بصدري هم والدمع محبوس=وارجي من الله صبر والعزم منّي
التجربة قاموس والشعر قاموس=واللي يبيني ياخذ العلم عنّي
ماتوخذ الدنيا علاقات وفلوس=لو إن نجر اهل المصالح يدنّي
بكره يبيّن كل ما كان مدسوس=وانا علي نهجي وظنّي وفنّي
الله يثيب نفوس ويعاقب انفوس= تغير انفوس العرب ماشحنّي
اما الظفر ياباري الروح والقوس =والا الممات ولا حياة التمنّي[/POEM]



يقول مشعان البراق



[POEM="font="Simplified Arabic,5,darkblue,bold,normal" bkcolor="transparent" bkimage="" border="double,5,black" type=2 line=0 align=center use=ex num="0,black""]انا قبل لا آعرف الهوى داله ٍ مرتاح = ولا كان يشعى الروح نايح حمام الدوح
لكن طاح قلبي في شبك راعي الملواح = حسين المحيّا والنبا .. المترف المملوح
شخصني بعين ٍ رمشها لا ارتعش ذبّاح = وأسرني بصوت ٍ خافت ٍ خاثر ٍ مبحوح
له امن الورود اليانعه عطرها الفوّاح = وانا والله اني من وروده وانا مجروح
ما مرّ بـ ( سواحل ) عالمي عابر ٍ سوّاح = لاوالله مكان الروح ( كانه ماهوب الروح ) !
بحر خاطري .. فيه العنا عايم ٍ سبّاح = اجي له وهو ضايق .. واعوّد وهو مشروح
لكن / بعد ماسلمته القفل والمفتاح = وش يحلل الذابح .. على قتله المذبوح [/POEM]




يقول محمد بن شباب


[POEM="font="Simplified Arabic,5,darkblue,bold,normal" bkcolor="transparent" bkimage="" border="double,5,black" type=2 line=0 align=center use=ex num="0,black""]ما عاد به حب يالريّان والدوحه=شطرٍ خذيته من مبارك لأجل قافي
باشد واروح والروحه هي الروحه=من حر شوقي خطير اشقق لحافي
ما دام صارت لي الروحات مسموحه=والجو مرباع / لا بارد / ولا دافي
ارتاح واروق لامن شفت انا اللوحه=اللي عليها دعايات اللبن صافي
غربي / جنوبي / شمالي / شرق منفوحه=ابك ابك ضيّعت مدري كيف .. يا كـافي
ما انلام ما دام قلبي بانت جروحه=واللي ظهر قل / من زود ٍ علي خافي
والله مدري وراه مغيّرٍ شوحه=من عقب ما كان يا قوّه غدا طافي
سيرة هل الحب مذمومه و ممدوحه=واللي وصل من تواريخ العرب كافي
لعيونها حاير ٍ في نجد و طروحه=ولعيون خلي / حبيبي / زين الاوصافي
خلوه يخطي تروا زلته مدموحه=وانا عسى الله يعين اذب مشـرافي[/POEM]






ولا زال للابداع بقيه ..

سامحيني واطردي همكـ وراي
_________ الذنوب كبار والمخطي انا

http://www.montada.mergab.com/showth...49#post1226949


للـتواصل !
ben-msoi@hotmail.com