القوافـي ذود والمنـتـدى ديــره
وشرهة الصـادق تعدّتْـك يالوافـي
كلّ تاخيـره لهـا يـا ولـد خيـره
الاّ تاخيرتـك بالـذات يـا قـافـي
الطريق الصحّ مـا عندنـا غيـره
ما يروّعنا هنـا حَـذف حذّافـي !
أدري الترميـز يتْعِبْـك تفسـيـره
فإستلمها كاش بالواضـح الصافـي
مخطـيٍ ماهـو يقـدّم معـاذيـره
لا هو بتـوّي ولا شفتـه خْلافـي !
تنقفـل سيـره ولا تنفتـح سـيـره
قَبل تاصل بيـن ساحـر وعرّافـي
ما أتْعَبت راعي المكارم مخاسيـره
علّمو اللي في الوسط ياأهل الأطرافي
من دَخَلْه الشكّ وأنصـاب بالحيـره
يلزم أرضه قبل ما آبيّـن الخافـي !
خطوة الرجّـال مادامهـا إقصيـره
والله ما يرقى بهـا راس مشرافـي
والعريب الكفـو مـا قـلّ تقديـره
دام ستر الله على أحوالنا ضافـي !
لله درك لله درك لله درك لله درك
الله الله الله الله الله
يا سلامي عليك يا مبدع
والله انها قمه وعلى الضن
ما يامر عليك عدو يا ناصر ويعلم الله اني تشرفت بردك
عسى عمرك طويل يا ناصر
وصح لسانك ملاييييين ولاهنت
سلام وحبة خشم
|