عناد النفيعي

كل الشكر لمن قدم تهنئته هنا لأبوراشد .. جميعا ً دون استثناء ..


ولإن الابداع هو حليف المرقابيين دائما ً .. أحببت ان أُدون ماجادت به كيبورداتهم في رد واحد .. والف شكر للجميع مرة ً أخرى :-





نواف نايف :-
اسكب هجوسي على الكيبورد
مـن يـوم سلطـان حللها
أجمـل تحيّـة وباقـة ورد
من شـان رحـوم نرسلهـا


محمد بن مصوي :-

الله يوفقك يـا رحيّـم
يا ولد راشد الروقـي
وعساه مبروك يا غليّم
عداد من دش بالسوقي


ناصر تراحيب :-

بعد الوظيفـه جابهـا
ابن الغنانيم القـروم
الله يبارك لـه بهـا
ويبارك لها فيه دوووم



فهد بن عبدان :-
منها للأعلى يابوراشـد
مبروك والقلب داعي لك
لنّك ذكي وعاقل وراشد
والأول على كلّبوا جيلك


شفق السريّع : -
ماهي غريبه و الغريب
لـو اختلـف ميزانهـا
مبروك يا الرجل النجيب
ياللي طـرح نيشانهـا


شامخ الشامخ :-

و الله مدري وش القصه
بس الدعاوي عمومية
(مبروك) لرحيم أخصه
يستاهلـه ميـة بميـة


حامد بن عوجان :-
من بعد سلطان بشر بالعلوم الزينه
قال هنوا بالقرار رحيم الغنامي
التهاني ياعساه انه يكمل دينه
لاتوخرها ترى احسن شي حامي حامي



مشعان البرّاق :-


مبرووك يارحيّم على هـ الوظيفه ..
اللي مانعرفها .. ولا وين هي فيه !
لكّن .. راتبك اقسمه بـ النصيفه ..
وأخذ بعد 15 عـام .. كوووبيه ..



غالب الشريف :-


مبروك ٍ الوظيفه
ـــــ يا رحيم الغنامي

و اللي أحب أضيفه
ـــــ ( خلك ولد نظامي )


سلطان الاسيمر :-


مبروك يا رحيم عساه مبارك
وظيفتك يا شيخ تستاهلها


عبدالرحمن حمد :-

رحيّم اليوم له وسط الوظايف رقم
يبشر بخير .. يشطب به على ماسلف
والقل كانه رقمني في فؤادي رقم
بطق بابه .. وابلقى مع جـنابه سلف



سعد براك :-

بعد كان شعره .. ويل قلبي .. ويا .. لبيه
يجر الهجيني .. والصياهـد .. يشرفهـا
توظف رحيّم .. جعل ربي .. يبارك فيـه
بعد كان .. يتحلوى الوظايف .. توضفها


تركي البادي :-

اوّل الغيث يا رحيّم يبل الريق
والاجاويد جعل الله يوفقها
جعل دربك يسير وفالك التوفيق
دعوة ٍ من صميم القلب ناطقها


فوق الثريا :-
يارحيّم بارك الله فـي الوظيفـه
ووفق الله كل شخص(ن)ماتوظف


سعود غنام :-
يارحيم المعطي الله وانت تستاهل
الله يزيدك يابوراشد ويرزقنا
تستاهل الطيب مهمايغضب الجاهل
تقسيم الارزاق شي بيدخالقنا



خالد الحصيّن :-
اليوم متوظف .. وتصرف .. وتبذخ
والعام .. ما يلحق معاشي معاشي !




محمد آل عبدان :-
يا رحيم بارك الله في الوظيفه يا رحيم
جعل ربي يرزقك من حيث لا تدري و تعلم
يا رحيم من قبل توظيفك و جوّك مغيم
ابشر ابشر لاح برق السعد لك لكن تأقلم



مرزوق الروقي :-
أحلى خبر يارحيم الغنامي
أسعدتنا واسعدت كل احبابك
صبت الهدف والفوز فال الرامي
خابرك للعليا تحث ركابك



عبدالله مقبل :-

قدموهـا تهنئـه لرحيّـم الغنامـي
ياعسى مبروك يارجلٍ تعـدل الكفـه
بس لو سلطان يخبرنا بالامر السامي
مايخلينا كما الطرشان وسط الزفـه




مناحي :-

مبروك يا رحيّم عسى مبروك
على وظيفة .. كاتب العدلـي
تعطي على حكم القضاه صكوك
لو كان بالاحكـام مـا تدلـي


مبارك آل خليفه :-

كاتب عــــدل يا رحـيم الغنامي
مبروك لك لو كان منت مطوّع !!
كنت احسب ان الدقن شي الزامــي
للمنصـب اللي للشباب يروّع ,,
لكن دامــه جاك بامرٍ ســـامي
حاول تخصص للربع وتنـوّع ..
وبسرعه بسرعه وحامي حامـــي
قبل لا ترجـع في عفيف تخوّع


معيض العتيبي :-
مبروك من كل القلوب الموده
لك ياولد راشد سلايل كحيلان
خلاص من هم السهر والمخدة
.اسرح يامال العافية فوق نيسان
وظيفتك لو هي ورا بحر جده
تسوى وظايف ..وألف شكرا ياسلطان



ناصر آل صامل :-
الله ياجعله مبروك
,,,, يارحيم الغنامي



ســـلطان :-

الف مبروك يارحيم ولد راشد
انت غالي وتوظيفك يشرّفني
والله اني قبل لا تعترف ناشد
مير ليتك مع الراتب تسلفني



سلامي عليكمـ ,

.




ss15s1@hotmail.com