[POEM="font="Simplified Arabic,5,green,bold,normal" bkcolor="transparent" bkimage="" border="none,4,gray" type=1 line=1 align=center use=ex num="0,black""]الله يـبـيـظ يـافـهـد فـــرة ذيــــاب = والله يبـيـظ يـافـهـد فـــرة ذيـــاب
بقولـهـا لـوكـان مـلـيـون مـــررره = الله يـبـيـظ يـافـهـد فـــرة ذيــــاب
يستاهـل اللـي بــان طـيـب وفعـلـه =ان ارفعه واكوي لجل عينه اصحاب
لاجــا نـهـارن فـيـه عـلـم وتـحـدي = ينوف راسي وتنحنـي لجلـه ارقـاب
حـرن يلحـق بـه علـى فـرخ شاهيـن = يوم افلسـت جاهـا مـن البعـد طـلاب
قابظت بـه ثـم طـار يكـرب جناحـه = ماكـنـي الا حالـبـن مـشـط شـبــاب
يطلـع سـواة الجيـب عشـره سلنـدر = لامن كتم له قام يزحـف علـى البـاب
روح يــرددهــا بـمـثـنـاة غـيــمــه= يظم صلف الريح من جيـز الاحبـاب
شايـخ علـى صلـف الريـاح العتـيـه =ماتاب من طرده ولـو صاحبـه تـاب
وادلـى عليهـا مـن السمـا كالمظـلـي = ابـلا مظلـه كيـف لاجـاك ينـسـاااب
كنـه عقـاب مـن السمـا خـر مطـلـب = او مثل حيدن طاح مـن راس مرقـاب
واصبـح يشككهـا وينـتـف ظهـرهـا = كنـه بمتـن الريـح بالـريـش لـعـااب
الـيـن وازاهــا شـهـر ثــم لطـمـهـا = وتعلـقـت مابـيـن تـابــع ومـخــلاب
مـاهـي غريـبـه يارفـاقـه سـواتــه = يشهد على فعلـه اصاحيـب واجنـاب
مـن جـو سميـن اليـا معابيـل شيبـان = كم خـرب مـرغ راسـه بـدم وتـراب
بـس الغريـب الحـر يفلـس شياهيـن = موقف غبن حسـاد واثـار الاعجـاب
من يـوم تـل السبـق والنـاس ترقـب = راحو صقاقير الفلس تحتـه احـزاب
مـاهــو كـــرم لا والله الا شـمـاتـه = كـلـن يــدور للشمـاتـه مـيـة بـــاب
قالـو عـسـى يـاربـه الـيـوم يفـلـس = وكلـن تنظـل بـه وابشـرك مـاخـاب
قالو اجـل هالطيـر ماهـوب صاحـي = ياامـا كـذا ولا تـرى الطيـر تــلاب
واللـي بقـولـه ياصقاقـيـر الالفـيـن = جمله بسيطه ماتبـي شـرح واعـراب
الطيـر مـن صقـاره الـلـي يعسـفـه = ان دلعـه ماطـاب وان جـرده طــاب
لاتعـتـذر وتـقـول هالطـيـر غـالــي = الطيـر عـادي طيـر بـدون وشـيـاب
حرن صقره العام شيخـن ولـد شيـخ = صقـار مـن قدكـم ترومـون الالعـاب
علمه كيـف ان فـرط الخبـل يصمـل = وعلمه كيـف يطقـع طيـور واشنـاب
ماهو سبـوق الطيـر لكـن صاااامـل = ماعلـفـه راعـيـه لا طــرح وخــاب
لـه خاطـرن فالصيـد ماشفـت مثـلـه = لو طابـت قلـوب الحسوديـن ماطـاب
كم حاسدن يزعل على كومة الريـش = ويجيـك مـن ظعفـه يـدور للانشـاب
هـذاك قلـه عـرظ بطـيـرك الـسـوق = قله ترى الموظـه تبـي تقلـب كـلاب
من يوم صار الـذود والطيـر موظـه = ظاعـت مفاهيـم القبايـل والاعـراب
ماعادبـه سلمـن ولاعـاد بـه عــرف = يوم الثعل ركب بـدل ظرسـه انيـاب
يسـري عليـه الليـل فـي كـل جفـره = قصـاص جـره والقمـر مابعـد غـاب
ايــدور النـومـاس فــي اي طـايــر = ماعينـه صـاده ولـو كـانـه غــراب
ماالوم كـل مـن قـال هالطيـر فاعـل = كاذب علـى الخبـلان ماهـوب كـذاب
بالله يـامـن مــر واحــد وتسـعـيـن = سلـم علـى اكبـر حرامـي ونـصـاب
قلـه يانصـور الكـذب مـاهـو خيـبـه = صرف قرانيسك ولـك منـي اسبـاب
الجـاهـل الـيـا ماانـكـوى مـاتــأدب = مايجفل من الداب مـن يجهـل الـداب
اكـوي تـرى فرقـى السرابيـت جنـه = وان انشدوك السوم اعطبهم اعطاب
من ماحشم عمـره علـى وش تحشمـه = حتـى ايـش ياعمـي ولاشـي ينـعـاب
خلـه يفـارق وانـت ماجـاك عـنـدي = وقله ترى المقناص في راس مشعاب
وانــا غـنـي بالله وبـعـيـال عـمــي = عند اللزوم الطيب عنـدي كالاعنـاب
اقـطـف عناقـيـد النـعـم والمـراجـل = واجيك وسـط المعمعـه خيـر جـلاب
ماهـو كبـر لـكـن طيـبـن ونـومـاس = خلانـي احشـم يافهـد بعـظ الالـقـاب
قــال المـثـل تـكـرم لعيـنـن مديـنـه = ولاالنشب نعـرف نـدور لـه اسبـاب
هــذا وانــا لــي شيـمـةن عنقـريـه = عـن السفيـه اصـد واغـظ الاهـداب
وانا احمد الله واشكره ياابـن عمـي = والله يبـيـظ يـافـهـد فـــرة ذيـــاب[/POEM]

ديواني