فووووق الثريا
مشكوره على هالموضوع اللي فوق الرائع
وسجلي هالامثال مع خواتها اللي فووق
يقولون البدو ( خلها تلحق امهاتها )
يعني خلها تروح مراح اللي قبلها
( سعيد اخو مبارك )
يعني فلان مثل فلان
( مافي قطعة راس العبد مشوره )
يعني عازم على تنفيذ الامر مافيها كلام
( بيت ابوها استر لها )
يعني خل الحاجه في محلها اطيب لها
( مرابض السباعه ماتخلى من العظام )
يعني الحاجه ماتلقاها الا عند راعيها
( ابشر بولود مير مات )
يعني مثل الرجال اللي يبشر بشي ضده او ماهوب في صالحه
( مايبي لها نشدة شيخ )
يعني بعض الامور واضحه ولايحتاج لها توضيح
(عين الحقيقه مايغطيها الهدب)
يقال عن الشي الصحيح الذي لابد منه ولايختفي مهما كان
( على اليمين لو ابو زيد الهلال يسارك )
عند مثلا صب القهوه تبدا باليمين مهما كان على يسارك
(الناس من يدرك رضاها )
يعني مو كل الناس سوف تكسب رضاها
وطبعا تذكرت محاوره حبيب العازمي ومطلق الثبيتي الله يرحمه اللي يقول فيها حبيب
الثبيتي كل ماقلنا علامه قال ضايق
والسبب مامن سبب والناس من يدرك رضاها
يالربع وش رايكم اكمل لكم المحاوره كامله
<<< اقول عطني الامثله اللي عندك بس
نرجع محور حديثاً
(ان لقحت والا ماضرها الجمل )
يعني سوا الفعل اللي تبيه اذا انتجت عن خير والا ماضرها شي
(عصفور في يدك ولاعشره على الشجره )
يعني شي تمكلكه ومضمون والظامن الله ولاعشره ماهيب في يدك
( مال الغريم الا الغريم )
طبعاً يعني مال المحب الا المحب واضرب بها ماشئت
على فكره سمعتها في محاوره لـمستور العصيمي وهو من افضل الشعر اللي يوظفون
الامثله بالابيات الشعريه
( البعد لـعيون الرجل والكحل لـعيون الحريم )
طبعاً مثل اللي قبله سمعته بمحاوره لمستور العصيمي اما المعنى اعتقد واضح
( من حظنا دايم يفوز المنخب )
يعني الفوز دايم حليف لنا وطبعاً سمعته في محاوره لحبيب العازمي
(حده على المسجد ترى دينه ردي )
يعني حد الرجال على مايكره
( مالك الا بتلا ) تم تغير اسم هيفا بأسم بتلا خوفاً من الشرهه
يعني مالك الا فلانه سمعته في احدى القنوات الفضائيه
(من حبه الله جمع ضيفانه)
يعني من احبه الله جمع لها ربعه واصحابه
( النوم سلطان )
مايحتاج توضيح
( الموت مع الجماعه رحمه )
يعني اللي يصيبك مع جملة الناس رحمه
واخيراً اقول بيض الله وجهك على هالموضوع يافوق الثريا والسموحه على الاطاله
يؤيؤ تذكرت واحد
( لاتحتك مع الزمل وانت حاشي )
يعني تقوله للي اقل منك سن او معرفه
تقبلو تحياتي
|