السلام عليكم مره اخرى
سجلو مع الامثله اللي راحت
(فرد حمزه ثاير ثاير)
يعني عازم على تنفيذ الامر مهما كان
(تجمع الذره ومن حظ البعير)
يعني بعض العرب يجمع حصيل ماهوب قليل ويجيك واحد ويبلعه ويعتبره لقمه صغير
(يتعب الذيب والعشاء للحصني )
هذي ياكثره كثراه حصلت لي فالاسهم يالربع جمعت فلوسن ماهيب قليل مير اكلها الحصني
(ماجاء من الحوار الا كراعه )
يقال عند بداية ظهور اي شي
وعكس هذا المثل
( مابقى من الحوار الا ذنبه )
يقال عند قرابة انتهى اي شي
( من أكل بيدينه الثنتين غص )
يقال عندما ترى شخص يحب يأكل كل ماحوله
(قدر الشركا مايفوح )
هذا مره حصلي تشاركت انا ورجال في تجاره وخسرنا وقلت له عزالله صدقو البدو يقولون قدر الشركا مايفووح
( يدور مع مصاص العجم تمر )
يقال عندما تدور حاجه عند شخص فاقدها
( والله من قرب المعشى )
يقال للي يبي يسوي حاجه ولاهوب قادر عليها
( مافالحمض احد )
يقال عندما يكون الشخص اللي قدامك على قولتهم مع جنبها
واخيرا اختي فوق الثريا ماقصرتي على الموضوع اللي عزالله اعجبني
|