اسعد الله اوقات الجميع بكل سرور .
نود التواصل ولو بهذه ..
عسى ان ترقى الى اذواقكم .
.
.[POEM="font="Simplified Arabic,5,blue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]الشعر أمانه عليه الله يحاسبني=حصاد الالسن وماقلته تحاسبّه
وشعراً عن الخير واصحابه يجنبني=فرصه للاشرار تفرحبه وتلعبّه
لو مزحتن تغضب الله قبل تغضبني=كلام سوّاً وجيه السوء تعجبّه
وانا مع الناس لي وضعن مناسبني=وعندي قناعه بعقلي واتخاطبّه
ولاني بأحب الخطاء والحق يغلبني=والحق سيفً جميع الناس تغلبّه
واميّز الرجل يومنه يخاطبني=عندي اسلوبً خفايا الناس تجذبّه
اما طلع نادراً قربه يكسّبني=والا طلع ثعلبً بالذيب متشبه
ان جيت يضحك معي وان غبت حاربني=نفسه من الكره والاحقاد مشتبّه
ابعد عن النوع هذا لايصاحبني=ويلقى من الناس غيري من يرحبّه
القدر صرحاً على ساسً قوي مبني=ومن قدّروه الرجال المدح ينصبّه
والمدح في ناقصين العرف يتعبني=كم مدحتن تفضح اللي ساتره ربه
ولو بامدح اللاش جاني من يكذبني=ثم فاز بالمدح وانا فزت بالسبّه
وشهادة المدح فالناقص تعذربني=تحِفظ مع الناس فالخايب وانا السِبّه
لكن غوص البحر يللي تعاتبني= والدر واللول والمرجان فالغبّه[/POEM].
.
.
تحياتي للجميع ,,,