فيه شي يا بو حمد بعد
(( مساند المجلس ))
مساند تحط خلف الظهر للراحه .. يعني والمركى جنبها تاخذ وضعيه ميه ميه
وهي لزينة المجالس ايضا ً
لكن لها استخدامات اخرى ..
مثل
1- تعبان وتبي تقيّل اسحب المسند وحط راسك ..
2-انت واقف وعجزت من الوقفه وتبي تمشي وفيه واحد يسولف عليك وعاجز لا تجلس مره ثانيه تقدر تستخدمها ككرسي بس انه كرسي غير مريح بالمرّه ..
3- تحطها على الباب وعند الهيتر الكهربائي حق القهوه تخليه على الهيتر دار ما دار وتخليه على الباب بالعرض الحاله هذي تستخدمها في حاله وحده بس اذا كان عندك في المجلس بزر ٍ حركته واااااااااااااجد ..
4- تخش وراها اي شي باكيت او طفايه او مجله او دفتر او ريموت كنترول اذا جاك احد من الشيبان او جاك نفس البزر المذكور اعلاه ,,
5- وفيه نقطه مهمه اذا اخوك منكسره رجله وحاطين عليه جبس وقايلين لازم تكون رجله مرتفعه عن الارض شي بسيط تعنز رجله على المسند !!
وله استخدامات اخرى يعجز المجال عن ذكرها
هذا ولك جزيل الشكر اخي عبدالرحمن ,, موضوع المسند كلّه طرّاه علي بن عبدالله كل شوي قايم له في زاويه وحاط مسند ومعنز كراعه وارخص للمقهوي يروح يرقد وانا صليت الفجر وجيت وعينت مساند المجلس كلها طارحها ابو عبدالله جعله يسلم ان شاء الله !!! وانا تعبت من ترتيبها ..
|