اخواني وزملائي شعراء المرقاب
يسرني ويسعدني الانضمام الى كوكبة شعراء هذا الصرح الشامخ
كتلميذ مع عملاقة الشعراء وان ابداء المشاركات معكم بهذه القصيده المتواضعه كمشاركه ومصافحه
اولى ارجومن الله العلي القدير ان تنال اعجابكم واكون عند حسن ضنكم 0000


هذه القصيده كتبتها في والدي الشيخ /شلواح بن شلاح بن شليان العتيبي حينما كان مريضاً في العناية المركزة ..وكنت واقفاً بجانبه وحينما صحى وللوهلة الأولى سألني قائلاً هل وديت للربع قوده؟ والقوده هي مايقدمة أبناء العمومه لأبن عمهم المتزوج كواجب ورفد
فاأتضح لي رمز الوفاء وشموخ الأصل بإن يكون الشخص بين الحياة والموت ويسأل باهتمام عن هذه الأمور فهاضت قريحتي بهذه الأبيات المتواضعه

قمة الشموخ و الوفاء

[POEM="font="Simplified Arabic,4,black,bold,italic" bkcolor="sandybrown" bkimage="" border="none,4,gray" type=2 line=0 align=center use=ex num="0,black""]سلمت ياشيخ (ن) على حق مثبوت = شيخة أبوه وساسها مـن جـدوده

ماهي بشيخة مال وإنفاق وبشـوت = من حد سيف(ن)بان فعلـه وزوده

يوم البشر تاكل بعض كنها الحوت =جده بنى بيته وجود عموده

قائد مقاط اللي كسر حاجز المـوت=أن خيلت والحـــــر ب دنـة رعـوده

له طعنة يذبحبهـا كــل طــاغــــو ت = وعلى رقاب القوم بصمـة زنـوده

عز وفخر ماعشت يابوي مبهـوت=جدك وأبوك إمغرق الناس جـوده

وأنت الكريم اللي قسم لقمة القـوت= يوم الفقر والشح ماهي إمحسـوده

وأنت الحكيم اللي سفه كل هلفـوت = ويحب ربعه لو برى الوقت عـوده

بين الرجى والياس ويعيش ويموت= قام وصحى والموت ممكن وروده

صحى وناظر والبشر حوله إسكوت = ومد النظر لين إستقـرت حـدوده

في خاطــره حاجــه ولا وده تفـوت= لــــــو اليالـي والسنيـــن مـعــدوده

لزم يمينـي شــدهـا شـــــد بالكـــوت=وده يبيح هرجــة (ن) مـن سـدوده

تخيلوا وش قال لي وأجهر الصوت=يقـــول ماوديتـــو ا الربـــع قـــــوده

ماضيع الرفقه ولاشاتهـا شـوت= أصيـــل وافـــي والــيالـي شهـــــــو ده

ومن لاعرف قيمتك باير وممقوت=منزلك من فـــوق الثريــــا حـدوده][/POEM]عبدالاله شلواح شليان العتيبي