متواضعه للتواصل معكم

صلو على النبي

[POEM="font="Simplified Arabic,5,darkblue,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]قدلـي ثـلاث شهـور او اكثـر شـوي=والهم يجـري فـي مجـاري وريـدي
عايش مـع العالـم وانـا ميـتٍ حـي=امـوت واحيـا ويتـجـدد قصـيـدي
ف ياطي حالي من هوى صاحبي طـي=طـي السوانـي مـن قـرارً بعـيـدي
يقولـه اللـي فالهـوى ماجنـى شــي=كـون الخسـاره فالزمـان العتـيـدي
ماغير اجر الصـوت واصيـح يا(مـي)=روفـي بحـال اللـي همومـه تزيـدي
انا ترانـي مـن جفـاك انكـوي كـي=لـكـن اداري دمعـتـي لا تحـيـدي
واحاول آصبّـر فـوادي علـى الغـي=كلـه علـى شانـك وعزمـي شديـدي
وانتـي تكاثرتـي علـي شربـة المـي=ووثقتي هجـاري علـى ضيـم قيـدي
ليه التجافـي وانتـي الشمـس والضـي=وغايـة مـرادي فالزمـان ورصيـدي
تغانمـي عشقـي كمـا يغنـم الـفـي=تـرى التغـلـي والكـبـر مايفـيـدي
وانا بجر الصوووت واصيـح يا(مـي)=روفـي بحـال اللـي همومـه تزيـدي
لو كنت انادي حي ... اسمعت انا حي=بس البلا لا صار... راسه عنيـدي [/POEM]