مرزوق الروقي

يالحنبلي كثـرت عليـك الاقاويـل
قامـت تلاعّبـك يديـن ٍ لعوبـه
نشاهدك بالعين من غيـر دربيـل
بأقصى شمالـي البـلاد وجنوبـه
وياللي تراسلني عبر وايـر التيـل
ما كل كلمه من طرفك امحسوبـه
العلم لو فصل مع النـاس تفصيـل
يبقى من التشويش شـي ٍ يشوبـه
مدام راس غليص قصـه وتمثيـل
الله يقطـع مشهـد ٍ مثلـو بــه
اللي بنادقهـم ضلالـة وتضليـل
والغالبه معهـم تصيـر امغلوبـه
الحق فيهـم مالقـا لـه مداخيـل
امخاشريـن مسيلمـه فـي ذنوبـه
ياللي من الطنيه تبا تحـط وتشيـل
فرسك من بـد المهـار امهذوبـه
من قالك تاقف على مدرج السيـل
يجرفـك نوبـه ويتمثنـاك نوبـه
وانا ما احب اطول الهرج تطويـل
تسمّعيلـي يــالاذان ِ الطـروبـه
الصدق مثل البرق في عارض الليل
والكـذب بيّـن بالوجيـه الكذوبـه
ولا تلحق الشرهه قلوب المهابيـل
ولا يصدق الكذاب لو قـال توبـه
البارحه ماهوب ضمـن المقابيـل
ليل ٍ سرى .. ما لاعبتنـي هبوبـه
قامت تكاشف لي بروق المخاييـل
نو ٍ به الرويـه مهيـب امحجوبـه
حللت قول اللـي يقولـون تحليـل
ولقيت بنت الشيخ زيـد امخطوبـه
ام العيـون الناعسـات المظاليـل
راحت وهي متضايقه وامغصوبـه
ولو قلت عنّو خيلكم ياهـل الخيـل
الشعر ماحطيـت دوبـي ودوبـه
شيمّت نفسي عنك ياشاطي النيـل
لو كان جـوّك عاليـات ٍ اكعوبـه
الشعر عقب استدرجتـه المحابيـل
شالوه عميان البصر واطرحو بـه
لا شك ابرسل من خيار المراسيـل
والطيبـه للمجتهـد فـي دروبـه
آخر زمانه صار مالـه محاصيـل
مثل العـراد اللـي ردي ٍ شبوبـه
لا راس بيّـن بالطويلـه ولا ذيـل
حصان .. لكن ما ينومس ركوبـه
عقب ضحك لأم الحلق والخلاخيل
كنه من الضحكه .. موطين ثوبـه
لكن ليا هالحيـن .. ثلـة رياجيـل
يعيش معهـا بالحيـاه ابصعوبـه
وحنا نعرف انميّز الجدي وسهيـل
واهل البحر دايم عليهـم ارطوبـه
أنظر وتلقـى بالتجـارب تماثيـل
ومـن تـاب لله يغفـر الله ذنوبـه

اقف احترامـا لك يامحمد ,

لن اقول الا والله لتبطي في المفضله
,,

http://www.m-roq.com/