علي مبارك

1- عرّف المرجله ؟
إذا المراجل لبسة شمـاغ وعقـال
قـل للعـذارى يلبسـن العمـايـم
ماعاد يفرق زول حرمـه ورجـال
دام الفعايل تشبـه البعـض دايـم
المرجلـه ماهيـب كلمـة وتنقـال
وتروح ماراحـت هبـوب النسايـم
وإلا خشونة صوت أو رفع الأثقـال
أو رزة صـدور وفعـل الـزلايـم
ولاهي بعد مفتـاح موتـر وجـوال
وإلا ردى لسانـن حديثـه شتايـم
المرجله شيمه عن القيـل والقـال
رفيع نفس ن حـر بالجـو حايـم
المرجله عقـل وزن وزنـه جبـال
ودون العقل وش فرقنـا والبهايـم
يامسندي لو مايل الوقت بـي مـال
ياولـد أبويـه ياعظيـم العـزايـم
يامعرب الجدين من العـم والخـال
يانخوة المفـزوع وقـت الهزايـم
المرجله ياخوي هي طولـة البـال
هي العزم هـي الصبـر فالظلايـم
فيها الكـرم عـزه دلـه وفنجـال
فيها الكرامة عن ردى الطبع شايـم
والدين لامنه خـذا القلـب منـزال
مشى طريق الحق وابليـس نايـم
ومن لاعرف ربه في طيب الحـال
لابد وقـت الضيـق بالهـم هايـم
حتى صلاتك مع جماعات ورجـال
في خيرهـا ياخـوي نعـم الغنايـم
ولامن نصف ليلك قم صافي البـال
ياعظم أجرك بيـن ساجـد وقايـم
ولامن رفع ربي له كـل الأعمـال
حسن الذكر لاقالـو فـلان صايـم

وخلك شريف القصد ياطيب الفـال
سوء المقاصـد فالبيـوت الهدايـم
واحذر تبيع النفس في درب الأنذال
وتتبع خوي إبليـس راع النمايـم
النفس خيل لـك إذا كنـت خيـال
ومن لاقوى نفسه قوتـه الهزايـم
ولا صرت ماتدري لويش أنت رجال
والله خسارة فيـك ذبـح التمايـم
ماأدري من راعي القصيدة

2- وش اطيب خصله لازم توفر في الرجل ؟

الالتزام بماقاله الله عزوجل ورسوله

3- وش اذم خصله ؟

الكذب النفاق النميمه وامور كثيره
4- وش اطيب خصله لازم توفر في المرأه ؟

انها ماتكتب الشعر

5-وش اذم خصله ؟

انشدهن اهل مكه ادرى بشعابها
لكن كثر حكيها المره لو تدركه ابرك لها

6- السؤال السادس تاريخي ايام الحروب والذبح والغزو والخ الخ ..من يستحق ان يشرب الفنجال الاول في مجلس شيخ القبيله من افراد القبيله ؟ مع كل اعتزازنا بسنة الرسول صلى الله عليه وسلم لكن من باب اعطاء كل ذي حق ٍ حقه

السنافي والشجاع والعقيد والفارس من الرجال

7- السؤال السابع جغرافي في الوقت الراهن نفس السؤال السابق ,,

الصادق وتارك النميمه
8-السؤال الثامن .. علم نفس .. وش اكره الاوقات عندك ؟ .. او بتعبير ثاني عادة متى تجيك الغلقه والضيقه ؟؟

لاقريت تواقيع مشعان البراق لعدة اسباب انه مايكملها قصيده

9-السؤال التاسع .. فلسفي .. عرّف الفلسفه ؟


الفلسفه هو تفسير شي ماتعرفه بعيداً عن الاحراج كما هي الاطلاع على مواضيعك نعرف ماهي الفلسفه يافيلسوف
10- السؤال العاشر .. انجليزي .. وش اكثر كلمة انجليزيه تقولها عفويا ً ؟؟

ايني وي اند مي بي
11- وش آخر كتاب قرأته ولمن ؟ (( يسمح هنا بإكثر من كلمتين ))

ياخوك انا مالتزمت في الاول التزم الحين
كتاب الله تعالى القرآن الكريم أولاً .....ثم لي اهتمامات في الشعر والتراث والفكر الانسانى.

12- وجه سؤال لاحد اعضاء المرقاب واطلب منه الاجابه بكلمتين على الاكثر ..

كيف طرأت عليك فكرة الاسئله ياشيخ ؟

نأسف لعدم التزامنا بكلمتين انا حاله استثنائيه خالك وامون عليك

تابعوني من خلال تويتر

alhagriali@

((سبحانك اللهم وبحمدك اشهد إن لا إله إلا أنت استغفرك واتوب اليك ))



تابعونا بالضغط هنا