وله ايضا:
ياراكب لي نجيب ٍ ماله اوصافي
شبرين مقدار بعد الزار عن كوعه
حر عيونه ترد بحمر الاطرافي
يهتال من شاف خفه ناطل بوعه
يفوع فوعة فريد شاف لقافي
شايف وخايف وزاد من الخلا روعة
يجيه من ذاعر البارود خفخافي
كن الهوايش تنوش قاعة اسموعه
في يمة الجدي خله يهرف اهرافي
اهراف ذيب يجض ولاحقة جوعه
يمشي من اللي سكنهم حد الاسيافي
ويلفي على اللي يحب الجار وربوعه
فلاح منهو دليلة كل عرافي
ذكراه قانت تجيب القلب من بوعه
اسلم وسلم عليه ان كان ينشافي
وقله تراني على حاجات منفوعه
شفت القوايل نجوم قدم وخلافي
حتى العلاقات عند الربع مقطوعة
...
|