وله ايضا
عديت رجم طويل يمحل ترابه
في ديرة ساقي الامطار يخطيها
كن اشقر الريش خم القلب واومابه
وكن اللواهيب في صدري وصاليها
فكم واحد مالقا من يصرف اطبابه
راحت مشاكيه ما يقدر ايعانيها
يالله يالواحد اللي فاتح بابه
معط العطايا الجزيلة وانت واليها
ياسامع ايوب يا علام ما صابه
يا خالق النفس يا عالم طواريها
الغيث والرزق واجل العبد بكتابه
يامفنى اجيال واجيال تمشيها
طالبك يا معطي الجنة لطلابه
يا خالق جنة الفردوس معطيها
دنياك هذي عمود الشر واطنابه
منهو ذكر صفة دامت عوافيها
كل نصيبه يصيبه لو محا نابه
في أول العمر او جاه بتواليها
يا مفرح القلب كن الدود يثعا به
كيف الخطا ما تثمن يوم نمشيها
دوم الشدايد قطاب السيف ونصابه
والا الرخا ساير الاصحاب يكفيها
|