منتديات المرقاب الأدبية - عرض مشاركة واحدة

07-05-2007, 10:31 PM

السلام عليكم ورحمة الله وبركاته

وصلتني هذه الرسالة عن طريق الإيميل ..

| | | Inbox

الاعزاء القائمين على جمع موسوعة شعراء عتيبة نبارك لكم الفكرة المميزة و نرجو لكم التوفيق في مهمتكم السامية

ساحاول التواصل معكم للتذكير باسماء نفخر بها وبشعرها المميز ولعلي اعرج اولا على الشاعر الكبير عناد النفيعي / سلطان

[POEM="font="Simplified Arabic,4,darkblue,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]اثـر الغـلا لاسكـن فـي قلـب رجـال= خلاه محـروم .. لـو ماهـوب محـروم

يحـط بيـن الضلـوع العـوج مـدهـال =للوجد .. والفقـد .. والتبريـر ..واللـوم

اعروقـه تبـث مثـل ابـراج الارسـال= اربع وعشرين ساعة .. شوق .. في اليوم

تستعـرض الذبذبـه .. دمـه .. وتختـال= ويمـر بيـن الخلايـا قيصـر الــروم

وانا بعـد قمـت منـه بـطلقـة عقـال =مـن بعـد ماكنـت فيـه اطيـح واقـوم

كسرت ماكان في صـدري مـن اغـلال =وانهيـت روح التعـب فـي لـذة النـوم

على كثـر مـا يشـوف القلـب مامـال =وليا بغيتـه يميـل .. يصـد .. ويشـوم

مقفـي ولاعـاد لـه مخـرج ومدخـال= الا علـى ذكـريـات ٍ كـانـت هـمـوم

لكـن مـدري وش الـي غيـر الـحـال =كنـي ّ لقيـت بخفايـا قلـبـي عـلـوم

بعـد ادخلـت فـي حياتـه حلـوّة الفـال =علاقـة ٍ توهـا فــي جــوه تـحـوم

لـو انهـا .. حلـم مـن مبطـي ولا زال= مستوطنـه فـي شعـوره دايـم الـدوم

قلبـي معلـق عليهـا كــل الامــال= اشوفهـا نـصـي الثـانـي ومقـسـوم

اوسّـع الصـدر .. لـو تضيـق الـبـال= واكـون ظالـم وانـا بالعكـس مظلـوم

تبـدي باحاسيسهـا واصـيـر جـمّـال= في كوم .. والعالم الثانيين .. فـي كـوم

ربّت شعوري مـع انـي مربـيّ اجيـال =واخاف ابيـن غلاهـا واجـرح الصـوم

واذا مـا روضتـهـا مانـيـب خـيّـال= وان كان ماطاوعت لي .. جعلهـا القـوم

تغرّبـت وافقـدت فـي الحـب .. رجـال= شـرواه فـي تالـي الايــام مـعـدوم[/POEM]

وله :

[POEM="font="Simplified Arabic,4,darkblue,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]حاولت وازريت لا القـى عـذر مقبـول =يـوم سألتنـي عـن غيابـك ضلوعـي

والله مـدري عـن غيابـك وش اقـول =من ليلـة السبـت .. لايـوم الربوعـي

مشغول !! ( في ذمتي ) .. ماكنت مشغول= بالعكس موجـود .. وتـدور خضوعـي

ماكن قلبـي منحـك العـرض والطـول =ولا كن عيني رقـت بـك عـن دموعـي

وانا عن اللـي حصـل مانيـب مسئـول =صراحتي .. راحتي .. واغلـى طبوعـي

تبينـي اكـذب وانـا بالصـدق مجبـول =وانت اعلم النـاس فـي كمـي ونوعـي

ياسيـدي لايـطـول الـصـد ويـحـول =اعلن رجوعك .. وانـا اقـرر رجوعـي

ماغيـرك اللـي قـدر يجتـاح وينـول= مشاعري .. لين سارت عكـس طوعـي

والموضع اللـي منـوّل غيـر مأهـول= عمرته بغيرتـك .. يـا اثمـن ربوعـي

صحيـح مـن حقـك تخليـه مقـفـول= لكـن لاتهجـره .. وتثـيـر روعــي

اعشقـك وافخربـك ومازلـت مذهـول= من سحرك اللي عليـه ارهيـت جوعـي

والله لـو كـل زول يـعـوّض بــزول =لا القـى بدالـك مـن يولـع شموعـي

لكن ورب السماء ذو العرش .. والطّـول =محـد ٍ بعـد عرفـك بيمـلا ضلوعـي [/POEM]

وكذلك الشاعر الكبير عواض عبدالرحمن الشهيب الذي لم تنصفه الساحة رغم انه من عمالقة النظم والمحاورة الذين يؤدون المهام كما يجب وكما ينتظر المتذوق في الحلبتين

قصيدة تتحدث عن العولمة ونبذ الجذور والعقوق ، قصيدة ( ولو ) :

[POEM="font="Simplified Arabic,4,darkred,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]البارحة والسما برق ورعود وغمام= أهل القرى لموا المظهور صبح وجلوا

تجمعوا في نهار يفوح برد وسلام= من ليل لاحت تباشيره وجت من علو

قبل الرحيل بدقايق في نفير وزحام= قلت : المطر يا حصون الدار ، قالوا : ولو

الدار ما تاسع العربان خل الكلام= يا شاعر ، المر واقع . وأنت هرجك حلو

سرنا شعوب وقبايل والمراجل حيام= ابلادنا ماعطت شيباننا اللي خلوا

راحو وهذا الجمل في مبركه ما يلام= مدهور ما غير نابين وعظامه بلوا

ما عاد نقعد لو ان الطلح يرجع بشام= يا نتعب الخيل يا نسلا مع اللي سلوا

قلت التشتت يباس وموت غصن وحمام= الارض تنبت غلا والناس تثمر غلو

الشمس مدت خيوط النور والليل نام= لكن يا عد ما ينقص قراحك دلو

وش عاد ناخذ من البندق ونار الحزام= ما دام ما كثروا بالخير مع من كلوا ؟

الوقت دوار ، لله البقاء والدوام =هذا زمان الفضا و ok تسبق hello !!!!!!

ولا بعد ما سرى البارق وشق الغمام= ليه القرى صامدة وأهل القرايا جلوا ؟[/POEM]

وفي رثاء المغفور له باذن الله الملك فهد رحمه الله قصيدة ( حدث ) من اروع المراثي وتتميز بالقافية الصعبة والسلاسة في النظم

[POEM="font="Simplified Arabic,4,darkred,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]حدث حدث هز الجبال وهشم ضلوع الرجال= أيبس عروق القلب و الحال التوا به وادركه

الطير ما رف بجناحه واعتلا روس الجبال =والريح ما سارت ولا للأرض والغصن احركة

و الخيل ما غطى غبار البيد حافرها وجال= خيالها واوما بسيفه والجمل في مبركه

ذهول أصاب الكوكب الأرضي وطال الحزن طال =ما فيه كوكب ما غشاه الفقد معنا واشركه

في يوم غابت فيه شمس وهيفت قبل الزوال= وأخذت من سنين الزمان احن عمره وابركه

أُعلن رحيل مثبت أوتاد الوطن صعب المنال= خادم بيوت الله زعيم المجد حصن المملكة

الممطر ، النهر الفرات ، الحاني ، الأب الوصال =ما قفل أبوابه ولا نال الزعامة فبركة

مفتوح بابه قبل قلبه للجواب و للسؤال =ما يلتجي به من طلب حاجة و صده و تركه

ما شالت بطون النسا ولا أنجبت مثله مثال= الصارم المغوار لن دقت طبول المعركة

يشهد له القران و المحروم و الكسب الحلال= يشهد العلم ورجاله والعقول المدركة

هذا فهد صقر الجزيرة حي فينا لا يزال= لو إن فقده جز عرق القلب و الحال أدركه[/POEM]

تجديــد عهد

[POEM="font="Simplified Arabic,4,darkred,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
سبحانك الله لا اله الا انت يارب العباد= يا ميسر جري السفن لا حولت في بحورها

الك الثنا والحمد فاوراق القصايد والمداد= لا هل وابلها على الاوراق واحيا بورها

والشعر شامخ ما كبا في داخلي كبوة جواد= كم من حواجز يستميت لها ويقفز سورها

ومن بعدهذا ياهلي بني سعد علم وكاد= ما جيت اشاور في غلاكم ناس بسمع شورها

جيت لهلي والديرة اللي كلماهب البراد= يطري غلاها واخرج الكلمة كذا عن طورها

احبها واشوفها لا لاح فالعين السواد =نجمة على صدر السما تلمع ويضوي نورها

انا اشهد اني جيت من غيبة وحب القلب زاد= في حضرة الاحباب والاخوة وشوفة دورها

اليوم جيت ولو هو الشاعر يهيم بكل واد= ما جيت غير لديرة لمت غلا منثورها

سلام من قلب عرف معنى المحبة والوداد= في حفلة ترحيبها مني بكل حضورها

واليوم جيت لديرتي واهلي وربعي والوكاد= ان الغلا زايد لها حتى قبل ما ازورها[/POEM]

عباة العود

[POEM="font="Simplified Arabic,4,darkred,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
صباح الطيب يانجد العذية ياصباح الطيب =صباح العز والامجاد من راسك ليا ساسك
اجي كلي غلا والقى بك التقدير والترحيب =واروح وبي حنين يشدني لترابك وناسك
ثراك الطاهر وسيرة هل الما والكلا والذيب =عروق ارضك وقيعانك وعطر اجدادي انفاسك
عباة العود يوم الفود والترغيب والترهيب= وصدق احساس بنت العود الاخر وافق احساسك
ملاحم سطروها اهل الزعامة دون شك وريب= على قب المهار وحصنوا لولوك والماسك
يانجد اليا تغنوا بالبطولة ساترين العيب تغنيت= ورفعت الراس بك لاهب نساسك
حقايق والحقايق ثابته ماتقبل التكذيب ذهب= غيرك ليا عد الذهب مايعدل نحاسك
على هامتك تاج المجد يالين السيوف تشيب= على هامتك يزها بك ولبس الفارس الباسك
وانا من ربعي عتابه ثبيتي والاساس شهيب= من علو الحجاز وديرتي هي وكر قرناسك
اقدم لك قصيدي واعتذر مهما الهجوس تجيب= يا بحر من المراجل يتعب الغطاس ماقاسك
يانجد انتي صباح الطيب ماقبلك وبعدك طيب= غنية بالشرف والعز من ساسك ليا راسك[/POEM]

الرسالة .. من : وفاء الروقي