نواف نايف

الدكتور يقول :

ياهبّة الريح .. هاتي مصدر إلهامـي
هبّي به .. وصوّني .. لين ألتفت يمّه

لوّ أن صوت الهبوب يليّـن عظامـي
يمكن ورا لينها مـا يبـري الذمّـه

هبّي وهاتي حداهن والهوى حامـي
تجيـن بالعيـد وإلاّ جيـت بمطمّـه

راجعت مافات من رزنامـة أيامـي
منتثـره أوراقهـا ماهيـب ملتمّـه

اللي تعـدّت عليهـا رابـط حزامـي
واللي ما جتني ربطها الموت في كمّه

لا والله ألاّ كبرت وشابـت أحلامـي
ولا أدري متى واقعي يخجل على دمّه

حلم ٍ رميتـه وراي وطـاح قدّامـي
وحلم ٍ ذبحه الضما مع وارد الجمّـه

واللي سرق من كفوفي بصمة إبهامي
يمكن يعوّد عضو في مجلس الأمّـه

أصبح في راس الجبل شاعر ومقدامي
وأنا تعلّقت بيـن القـاع والقمّـه


الغالي سداح


وهذا المبدع الثاني يجاريه :

كان الصقر حام والا الصقر ماحامـي
شهادتي فيه .. مجروحـه ومنسمّـه

ياداعي النفس .. لاتوقف على انسامي
الله يشفي الجروح ويكشـف الغمّـه

مابين حظن يقوم .. وحـظ ماقامـي
تموت الاحلام لو ماعاشت الهمّـه !

لو ان هداج مايروي ضمى الضامـي
ماكانت الناس في هـداج مهتمّـه ..


الضبع يفطر على الرمّه ولاصامـي !
والذيب لو جاع ماياكل من الرمّـه ..


ماكل شيخٍ نعـده شيـخ الاسلامـي
لو يسرق البشت والا يسرق العمّـه



الغالي ساري الزهراني

.