مستور الذويبي

مرزوووق اسمح لي

رضيت بالحزن عمر وبالمواجع خليـل
وقدرت اعيش بحيـاةٍ باهـتٍ لونهـا
عودّت نفسي مدامي جيت عابر سبيـل
كل ما دهتني مصيبـه قلـت ياهونهـا

مطلع كان بمثابة نافذه للحزن ..والألم ..
أجدت يابوسعيد في استدراجنا لمعايشة هذا الحزن بكل اتقان

لنبدأمعك رحلة الألم .......
عاصرت من دورة الأيام شـيٍ مهيـل
ومريت بـدروب غيـري مايمرونهـا
من كثر ماشلت ماباقي بجوفي مشيـل
روحي تدور معيـن ولا لقـت عونهـا
كم شجرةٍ جيت أدور لي تحتهـا مقيـل
وحتت ورقها وعرّت فوقي غصونهـا
واليا رميت الهموم بسهم صبراً جميـل
اما يجـي خلفهـا والا يجـي دونهـا
اسمع بصدري صياح وهمهمات وعويل
وأردهـا خايـفٍ لا النـاس يوحونهـا
من غربة الروح ضيعت الهدى والدليل
وخطاي تاهت ولابـه مـن يقدونهـا
نهاري أعتم وليلي بالتعاسـه طويـل
الكون مشرق وروحي مظلـمٍ كونهـا
هذي علومي بعد فقد الظـلال الظليـل
مالي من الدور خاويهـا ومسكونهـا

انتهت علومك ..ولكن بقي السؤال ..ماسبب هذا الحزن ..والألم الذي ابدع شاعرنا في تصويره؟

إليكم السبب
زهدت في عيشتي بعد ام طرفٍ كحيـل
ياليتي ادري بتالي الوقـت وشلونهـا
عهدي بها يوم تروي قلبي السلسبيـل
من قيظ الأيام توردني علـى عيونهـا
وتفيض في قلبي الظميان شوق وتسيل
وأروى ولا أروى وأعود أظما لماعونها
وان سولفت كني أسمع للحمايم هديـل
وأقوم أغنـي لهـا والاحـي لحونهـا
كان اختصار الأنوثه في جسدها النحيل
يلغي جميع النسـا بعيـون مفتونهـا
كنا سوى والزمن بالوصل مده جزيـل
ذقنـا حـلاة الحيـاه اللـي يقولونهـا
ومن ذاق قلبه حنان منقضات الجديـل
والله لتشتالـه الدنيـا علـى متونهـا
وانا بعد ما أهتنيت أقفت وحل الرحيـل
وياويل حالـي ليـا قامـو يطرونهـا

ياوي ل حاااالي ..عوده مره أخرى للحزن ..

بابقى عليلٍ يحركـه النسيـم العليـل
لاهب في قاع روحـه جنـت جنونهـا
ومادام راحت مابي من حلمي الا القليل
أن عشت في قلبها وان مت فعيونهـا

قفله جنان ..فيها حب ..وعشق ..وولاء لهذا الحب ..

الشاعر العاشق ..المفارق ..

مرزوق الروقي كتب هنا نص بدم القلب ..ومن القلب ..لذا وصل إلى القلب دون إذن ..

جعلني أتمادى في قراءته لدرجة أنني عشته بكل تفاصيله ..وألمه ..وحزنه ..وحبه ..ووصفه

مرزوق أبدعت بهذا النص للأمانه ..

إعجابي ليس وليد اللحظه ..لكن أكّده

ومحبتي أيضاً ..

أبوشاهر

عشرين عام ..وماتغيّر ولاشي!
نفس الرسوم اللي على باب دارهـ
حتى شبابيكـ التلاقي كما هي!
النقش ..وألوان الحشب ..والستارهـ
معقول ياقلبي قديم الهوى حي!
بشّر ..وأخذ مني كبير البشارهـ