يا طيبك ويا كثر ملحك وزينـك
تجمّعت فيك الخصـال الحميـده
لاجيت اغني فيك قمت استدينـك
آخذ من وصوفك لبدع القصيـده
ومن خوف تتبع جرّتك مهتوينك
ماودي أسهب بالوصوف العديده
ذوقك وتفكيرك ولطفـك ولينـك
كلك على بعضك عباره مفيـده
بالشكل والمضمون هايم ضنينك
القلب زاهي والقوالـب فريـده
عز الله اني فالمحبـه رهينـك
اللي ما ودّه يطلق الحـب قيـده
أسلم وسلّم لي على رمش عينك
مدري متى يسمح بفرصه سعيده
الله يديـم الـود بينـي وبينـك
ومن بيننا تبقا المحبّـه مديـده
الدكتور /سداح
|