[poet font="Arial,5,silver,bold,italic" bkcolor="transparent" bkimage="http://www.nadawi.net/images/pink.jpg" border="none,4,gray" type=3 line=200% align=center use=ex length=0 char="" num="0,black" filter=" dropshadow(color=black,offx=4,offy=4) glow(color=black,strength=5)"]
تواجهنا مشـــــى عجلٍ وأنا وقفت أنادي له
ذهولي شل خطواتـي ، ولا وضّح لي أســــــبابـه
أبشــــكي له من أشـــواقي ومعها قلة الحيلة
وأبوصف له عذابـاتـي وأفاديها برضا أهدابـه
أبـي يوقف يجـاوب نزفي الحـاير وياوي لـه
تكاثر فيني اللحظة ، وأنـا عمري يتســـــــلّى بـه
أشــوفه أبعد من الحلم وأقرب من تفاصيلـه
وأشــــــــوفـه حاضرٍ يـملك عليّ الكــون بغيابـه
مراسـيلي بكل الصد تصدمها مراسـيـلـه
تـطيـربشـــــــــــوقـهـا والحب ويقفل دونـهـا بـابـه
أنا وردي وهوى نبضي عذابـــه في محاصيله
جنى من صادق الإحساس صـنـوف أوهـام كذابـة
أنـا اللي أكـتم الآهـات في لاهي مواويلـه
وأنـا اللي أعلن الإفلاس ، أنـا مانـي من أحـبـابــــه
أنـــا زود الــثواني المهدرة في يومـه وليله
عطش بأنـهـاري العذبـة وأنـا يرويـنـي اســــــرابـه
أنـا اللي باذلٍ روحي وضاعت في مـجـاهيلـه
أدوّرهـا بشـــــــــغاف القلب ويـبـعـدهـا عن اعـتـابـه
أنـا اللي شاغلٍ نفسي شاقدّم له وش أعطي لـه ؟!
وأنـــا اللي لـي تواجهنـــا يـحيـّرنـي وش أبـدا بــــــه ؟!



[/poet]