|
<*> نقطة وصل <*>
السلام وعليكم
من زمان مانزلت في الشعبي وهذي قصيده وليدة البارحه
بسيطه جدا جدا لقلوبكم احبتي
[POEM="font="Simplified Arabic,4,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
القلب ممحل غلا..والحب ماله محل= يابيض الأيام قسمك سرته سودها
دورات الأيام دارت بي سواة العجل= عطيتها من شقاي وشح مردودها
خلصت من سالفة حب وغرام وغزل= تعبت وأنا المشاعر رهن لقيودها
يلين جات الهنوف أم الغنج والثقل= من ثقلها ردة الخصله كذى تكودها
أحيت هشيم الفواد..وكل عرقٍ ذبل= وأمطر غلاها علي وحنة رعودها
سرحت مع وردتينه والقمر والنجل=وشارت عيوني على خصرٍ بتر عودها
ياروعة الحب لامن صار نقطة وصل= والشوق ينثر عليها والغلا يسودها
القلب مثل الخليه..والمشاعر نحل= خلي المشاعر تغذي الروض وورودها
الروض قد له سنه ..ذاوي وكله محل= حتى النسايم سنه.. ماذعذعت نودها
قالت وهي تلتفت لي بين ضحك وزعل= وبين معالم خجلها حمرة خدودها
أنت أول انسان مابين الحنايا نزل= وأسترسلت بالكلام وباحت سدودها
وأخذت لي حروة العامين أبني فلل= وأنا اتحاشى زعلها ودرب منقودها
يلين جاها النصيب وخمها في عجل= من حظه يزعزع جبال ويفلق حيودها
فرصه وضيعتها وأقفت وقفى الأمل= ياويل حالي بموت أن شفت مفرودها
راحت وأنا بالتمني..ياعسى يالعل= من شالها بيوم يجيني..بيده يقودها[/POEM]
صريح..صادق..وهذي من معاناتي=سنين لليوم وأنا أدفع ضرايبها
مبطي وأنا أقول بن الأجمل الأتي=وصدوف الأيام..عاكفت ٍ شواربها
abn_throh@hotmail.com
آخر تعديل محمد صالح العتيبي يوم
27-05-2007 في 10:20 PM.
|