السلام عليكم ورحمة الله وبركاته

الشيخ الشاعر الفــارس جهز بن شرار


اشتهر الشيخ الفارس الشاعر:جهز بن فازع بن شرار الميموني من شيوخ بني عبدالله من مطير بالصدق بين القبائل خاصه في الشعر حتى انه اطلق عليه لقب شاعر الشعار بين الحكام وشيوخ القبائل .
كان الملك عبدالعزيز يحبه من اجل صدقه ويقول له اني احبك ياجهز من اجل الصدق,وكان وفيء عند ابرام المعاهدات وغيرها,مماجعل له الهيبه بين الرجال والرّعب في قلوب الاعداء,والميزه الثانيه اللتي يمتازبها عن غيره,انه لايعتدي الا على من اعتدا عليه ولايقارض الا من يقارضه,وله عدة قصائد يصف الوقعات اللتي تحصل عليه من الاخرين وله قصائد في النصح والوصايا وغيرها .

مما قال[POEM="font="Simplified Arabic,4,darkred,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]ياهل العيرات خلوهن شلايـل =يم ابوتركي وتبراهـن عبيّـه
ماتجي بالسوم من كل القبايـل= يوم خفنا منه جبناهـا هديـه
نجد من قبله تعشاها القبايـل= وانت يامحفوظ قنّعت اعشويه
حاكم الحكيم حلحيل المحايـل =خالط الافعال بابصارٍ قويـه
ياعشير الترف منسوع الجدايل= يوم اخذتم نجد ابي منكم حذيّه [/POEM]

كانت الاعوام الغابره حافله بالتوترات القبليه والاطماع على اشدّها والحذر الشديد يلازم رجل الباديه ولايطمئن على حلاله من السلب بين فتره واخرى ولكن ذلكم لم يكن شيئا غريبا بالنسبه لهم حيث تعودوا على الغارات المتبادله


وعندما لانجدهم ينفجعون على ماقد يفقدونه نتيجه للغارات القبليه المستمره المعتاده بين الاينه والاخرى ولهذا نجد الشيخ جهز بن شرار من الاشداء وكثير المغازي ولكن الحزن كما يذكره الشيخ جهز في قصيدته التاليه يبدأ عندما تكون الفرص غير سانحه والابواب مغلقه والحاجه الماسه متباينه للأعيان

يقول فيهـــا

[POEM="font="Simplified Arabic,4,darkred,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]يالله يارفّاع سبع السموات=ياللي بمدات العطاء ما انت بمشير
تمدني عن العطايا الردّيات=اما عطايا غبر والا معاذير
قولوا لأبو معتق رفيقي بما فات=لو احرز الميراد ما احرز مصادير
ماتخبره يازبن تال الونيّات=اللي ورد ماتخبره بالمصادير
لو ان بيبان الخرايم مخلات=ماكثّر الميقاف بين الدواوير
نرجى العطاء من عند رب السموات=فوق النضى ومعسكرات المسامير
مار ان لبيبان الخرايم حراسات=وغير الحرس حطوا وراهن نواطير [/POEM]

وقال فيها رحمه الله

[POEM="font="Simplified Arabic,4,darkred,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]ياعنك مافنجال راشـد بمشهـاه=ينيـه والا يدّغثـه بالسريـبـي
ودك الى جاء الشول راس مضماه=انه يقف له فـوق راس القليبـي
وان صدرت من كوكبا راهيا ماه=الى العرق من صابره له صبيبي [/POEM]

امتاز الشاعر جهز بسهوله الابيات
وكثره حفظها
فهو من اكثر الشعراء الذين تتناقل ابياتهم حتى في الوقت الحالي وبكثره
وكان يلقب ايضا بلقب

الشــاعر الصدوق

يقول فيها

[POEM="font="Simplified Arabic,4,darkred,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]يم فاضه مطربه جانـا عشيـه=يتمنى اللي حضر بالكون غايـب
يوم جات افزوعهم من كل نيـه=خيلهم والجيش دقلاتٍ غصايـب
نحمـد الفعّـال واللابـه شويـه=يوم سلمت روسنا وانجى الركايب
سلئل الحضـار والذمـه بريـه=عن مواقف ربعنا يوم الغصايب
المواقـف لهلهـا ماهـي غبيـه=والكرب بالضيق عند الله وهايب
اخبر الغايب ترى عنـده زريـه=واعذريني يامنسعـت الذوايـب
نورد الهايب على روس الرعيـه=وفايت الارزاق مايوخذ غصايب [/POEM]

وله ايضا

[POEM="font="Simplified Arabic,4,darkred,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]العقله اللي مادهلهـا العطينـي=حنا الى هيبت نقطـن شفاهـا
ولاهي بعادتنا كلاب القطينـي=تنبح سلف وردا على جال ماها
ولاهي تحوز بيوتنا بالبطينـي=عن وجه ركبانا بعيـدا مـداها [/POEM]


كما يقال إن جهزاً مجاب الدعوة فقد قتلت فرسه فطلب من والده فازع أن يعطيه الفرس ليغزو بها مع الغزو على احدى القبايل لأن فرسه قتلت لكن والده رفض أن يعطيه الفرس لأنه قد وعد شخصاً اسمه كديميس بالفرس فكره أن يخلف الوعد وفعلاً أخذ كديميس فرس فازع بن شرار وفي الصباح تأهب الغزاة ثم توجهوا في طريقهم الى الوقعه أما جهز بن شرار فقد جلس على رجم مرتفع من الأرض وأخذ ينظر إلى الغزاة ولا يستطيع الذهاب معهم أن فرسه قد قتلت فقال:
[POEM="font="Simplified Arabic,4,darkred,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]يوم اسهجني نابيات النسانيس= الموت عندي والحياة متساوي
عسى فقيدة قوم فازع كديميس= يضرب برمح بين الأضلاع هاوي
الله يجيبه له على دارة الديس= بمشلشل عوده طويل رهاوي
اما أنت يا مثال ولا أنت يا نعيس =حيث انكم قدامهم بالحراوي
حيث إنكم فرّيس وعيال فرّيس= أهل امهار الخيل ما أنتم شواوي [/POEM]


أجاب الله دعوة جهز بن شرار فقد ضرب مثال ونعيس كديميسا برمح طويل رهاوي كما قال فقتل كديميس وأخذت الفرس ولكن القبيله عندما سمعت بقصيدة جهز بن شرار ومدحه لهم ارجعوا الفرس إلى صاحبها

ويقول الشاعر جهز بن شرار في الفخــر

[POEM="font="Simplified Arabic,4,darkred,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]كم ذود مصلاح نحرك له أسباب=وحنّا إلى شا الله نشتت نويّه

إن جيت أعدّ أكواننا عدّ وحساب=كواينن بفعول ماهي خفيّة

بالطيب تشهد لي مغاتير شبّاب=وكاين سبيع بوادي القنصليّة [/POEM]