مشخص السلمي

سعود جمعان المطيري

أعجبني هذا الشاعر لما في شعره من واقعيه وخفه نفس ،،
له بعض القصص الفاكاهيه والابيات الثمينه منها :

في يوم من الايام وهو بالمسجد بعد ماسلم الإمام قام شحاذ
يشتكي أموره على المصلين لعلهم يساعدونه
وهو يتشكى كان مركز بعيونه على سعود ..

قال له سعود هالأبيات :





[POEM="font="Simplified Arabic,4,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]يا ابن الحلال اللي تشكى علينا=حنّا لنا بوضع على الله مشاكيـه
كانك تحرى للعطا مـن يدينـا=عزالله إنك عندنا ما أنت لاقيـه
ماهو ردى بس أرثع الوقت فينا=ماعندنا ماناكلـه دون نعطيـه[/POEM]


وفي قصه ثانيه كان طالع من المسجد ولقى بنت تشحذ ورافعه
يدها الى الناس .. فقال :


[POEM="font="Simplified Arabic,4,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]يابنت ياللي بالمساجد تطوفيـن=كفي يدينك قبل نأخـذ ريالـك
حنـا ترانـا كلنـا مستحقيـن=ماهو أنتي اللي مستحقة لحالك
لو لا الحيا شفتي وزانك ثلاثين=أحد يمين منك وأحـدٍ شمالـك
مرفعيـن إيديننـا ومتقاعيـن=الموجب إن أحوالنا مثل حالك[/POEM]


وله هذا الموقف مع صرافة البنك :


[POEM="font="Simplified Arabic,4,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]أنـا لقيـت البنـك مثـل اخويايـه=مايقضي الحاجة إلى جـاه محتـاج
أمس الضحى مريـت كـل زملايـه=وكلٍ عطـى لـه بالمعاذيـر منهـاج
وضنيت باقي فـي رصيـدي بقايـه=وحركت ناصٍ حارس البنك هجـاج
ودقيت رقمـي صـح مابـه روايـه=طلع على الشاشة : لا داعي للإزعاج [/POEM]


ويقول عن البنك في قصيده له شهيره :


[POEM="font="Simplified Arabic,4,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]يا أهل الوظايف قولوا الحمـدلله=على معوشتكم ولو رزقها ضنـك
أنا وجنسي رزقنا لـو وصفنـاه=حوذ الحنك مافيه زودٍ عن الحنك
ماطاح قرشٍ في يدينـا قرشنـاه=ودايم طفارى الله يجيرك ويامنك
البنـك لـولا لوحتـه ماعرفنـاه=من قل ماندخل على موظف البنك
ماغيـر نقـرا لوحتـه ونتعـداه=وإن قيل هذا البنك قلنا اتركه عنك
لاوا هنيـك يالغنـاوي هنـيـاه=ترقـد وحنـا بالدراهـم نمونـك
نفرح إلى من المعـاش استلمنـاه=ويهـج منـا قرشنـا ويتزبـنـك
والله يالوتصرف ربع ماصرفنـاه=ليصيبك السكر مع الضغط والتنك
ولولا جهدنا وجهدنا اللي بذلنـاه=ماتنفخ ذروبك وتمـلأ مخازنـك
مير المقدر مالنا غيـر نرضـاه=مرزقك منا وسقمة أرقابنا منـك[/POEM]


وله قصيده مشهوره أيضا :



[POEM="font="Simplified Arabic,4,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]لاصار جدك ماترك لـك ملاييـن=ماهوب لازم تشتري لـه ضحيـه
قل له ياجدي جعلك من المناجيـن=والله ماتسـوى قيمـة البربـريـه
عقبتني للديـن ومصـارع البيـن=ومن زين طبعك كاتبٍ لك وصيـه؟
لو أنت ما أخذ لك من الخد حوشين=يوم الأراض بلاش وسـط العليـه
إن كان تلقاني من أهـل الدكاكيـن=مطنطـخٍ هالحيـن ميـة بمـيـه
لكـن ياجـدي ضحيتـك بعـديـن=إن سهـل المولـى ثمنهـا عليـه
حنا بوقتٍ شين وأشين من الشيـن=فيه الخـوي ماعـاد ياثـق خويـه [/POEM]


سعود والريال :


[POEM="font="Simplified Arabic,4,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]البارح أمسى اتلى معاشي بجيبي=ريال وأحرمني لك الله من النـوم
مغير غادٍ لـه صيـاح ونحيبـي=يقول ذا شـي مقـدر ومقسـوم
لولا إنـي ريـالٍ رديٍ نصيبـي=إن كان ماني وسط جيبك من اليوم
وش بك من التجار ماتشتري بـي=حاجة ولومالك بها أيات ملـزوم
أدخل على الله فكني وش تبيبـي=مادام جنسي في مخابيك معـدوم
أنته تخبر إنـي سـواة الغريبـي=في مجلسٍ عندك مضايق ومظلوم
وأنا الذي شرواك مايعتنـي بـي=بغضه بقلبي زارعه دايـم الـدوم
أبي الذي لاشدنـي يلتـوي بـي=مايفكني لو تظرب إيـده بقـدوم
إما يهوجس في وإلا يحكي بـي=وغير السوالف فيّ ماعنده علـوم [/POEM]




سوق الخضار والتوهيقه :


[POEM="font="Simplified Arabic,4,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]يالله يارب سعود تطلق وساره=من شغلة حده زمانـه عليهـا
لولا الزمان اللي تعاقب دماره=لوقلت خذها قلت والله ما أبيها
لكن يوم الوقت قنبـع غبـاره=والناس عيا ربهـا لا يهديهـا
سير على جلابهـا واستشـاره=وقال الحظيظ من العرب يقتنيها
ترانزيت من الفقـر للتجـارة=ولا رابح إلا واحـد يشتريهـا
ماهي دشارة بس مثل الدشاره=الله لايبلـى الأجاويـد فيـهـا
الشغل فيها مثل وطي الجحاره=من لاتعداها يبي يـروح فيهـا
وبها الربح واجد لكن الخساره=كم واحد مثلي قبـل يشتكيهـا [/POEM]







...



المصدر : موقع نوادر التراث .. منوعات شعبية بإسم ناصر المجماج ،

سبحان الله وبحمده
سبحان الله العظيـم