منتديات المرقاب الأدبية - عرض مشاركة واحدة

30-05-2007, 06:02 AM

الشاعر الكبير : سعود الوسمي

1 .

[POEM="font="Simplified Arabic,4,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]قال الذي قوله عن الخوض محفوض=مثايلـه عـن مـا يعيبـه حفظهـا
لا لاحظ النقـاّد ماشـاف ملحـوض=يمـوت غـل وغلطتـي مالحظـهـا
برضاي اروّض جوهر الشعر ويروض=وليـا ومـرت اوامـري مارفضهـا
بنات فكري تدحم الصـدر ويجـوض=جواهرن تشفـي القلـوب ومرضهـا
وشعرن بلا معنى من الاصل مرفوض=لاصار مايقضـي لنفسـي غرضهـا
لوبيت واحد جزل عن غيره يعـوض=تفنا البيـوت وهـو يبقـا عوضهـا
ماني غشيمن خاض بحر المثل خوض=اليـا فتـلّـه حجّـتـن مانقضـهـا
هو راقدن والناس واعين وايقـوض=تعـرّض لنقـد البشـر واعترضهـا
مثل البعير اللي من الحمل مبهـوض=حمّل على نفسـه حمـول وبهضهـا
يبا ينوض وطـاح مايقـدر اينـوض=ماتنهضه صـم العظـام ان نهضهـا
وكد قيلت الدنيا توافيـق وحضـوض=والكلمه القشره علـى مـن لفضهـا
وترى احترام الناس واجب ومفروض=ومن يحترم نفسـه عليهـم فرضهـا
وهذي حياة الناس خافض ومخفوض=والله رفع قدر البشـر عـن بعضهـا [/POEM]

2 .

[POEM="font="Simplified Arabic,4,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]ليت ابو سلطان مثلي شاف موضي=يـوم طبّـت والجدايـل نقّضتهـا
خدها يجهر بـداج الليـل يوضـي=ماتمـيّـز بالـقـلاده ورقبتـهـا
لااخزرت في عينها قلبي يجوضـي=اونس الموت الحمر من سلهمتهـا
دانة(ن)مايحوشها كود امحظوظـي=ماتهيّا لكل نـاس(ن) لـو بغتهـا
لوّترضى كان قدّمـت امعروضـي=الحق النفـس الشقيّـه بشهوتهـا [/POEM]

3 .

مما قال الشاعر / سعود عبدالهادي الوسمي مجاراة لقصيدة محمد الخس التي مطلعها يقول:
(((انا لي ثمان سنين اجامل وانا مجروح....اكن الموده داخل الصدر واكتمها))
يقول الوسمي:[/grade]

[poem=font="Simplified Arabic,4,black,bold,normal" bkcolor="transparent" bkimage="" border="double,4,gray" type=0 line=0 align=center use=ex num="0,black"]
سمعت الحمام اللي سجع فوق غصن الدوح=جذبنـي بنغماتـن هـل الحـب تفهمهـا
تغنا بشعرن مـن شـذاه العطـور تفـوح=يعطّر مسامع مـن سمـع فـي ترنّمهـا
من الشاعر اللي قبل انا لاامدحه ممـدوح=وكـد قالـوا الاجـواد ماتهفـي ذممـهـا
غنيّن عن التعريف ازيد الوضوح وضـوح=تباهـا بـه اشعـاره يصخّـر ملاحمهـا
عميد القصيد وفي عيـون العـدا ذرنـوح=وهـو الاديـب ونفسـه الـرب ملهمهـا
شعاني وانا قلبي مع اهل الغـرام ايتـوح=هضمني وروحي قبلـه الحـب هاضمهـا
جبرني ابـوح وعادتـي للخفـا مااابـوح=اداري عـن السمعـه ونفسـي مشيّمهـا
اجامل وانا قلبي بسيـف الغـلا مصطـوح=اكـن العبايـر فـي ضميـري وكاظمهـا
هليك ودريـك ادوّر مـن البـلال انشـوح=وكبدي تفـوح وبـارد الشـرب يلطمهـا
غديت الغليث اللي يخـاف البـروق تلـوح=يسوج ويلـوج ونفسـه الغلـث مسقمهـا
سبايب عنودن صار في حبلهـا سامـوح=حرمني محجّرهـا وهـي مثلـي احرمهـا
علامـه يفرّقنـا لعلـه ماهـو مبـيـوح=بنينـا الامـال وحاقـد القلـب هدّمـهـا
ولاله مصالح بس غـاد الجـدا مشفـوح=مسمـمّ ونفسـه زايـد الغيـض سممّهـا
حقود وحسـود ومسـردن كنـه النابـوح=وذلوله علـى كـل المغـازي يدرهمهـا
عسى الله يلم الشمل بالصاحـب النصـوح=وتطيب النفوس اللـي محيمـه حوايمهـا
وتليم شفوف اهل الهوى والعـدو مكبـوح=وتلحق هواهـا المغرمـه لجـل مغرمهـا
تهيّا على وضـح النقـا دربهـا مبـروح=انـال الهنـوف اللـي ولامـي موالمهـا
ويبرا فوادن من غـرام الهـوى ملحـوح=لحاه الهـوى وارثـع بروحـي وحطّمهـا
وتخايط جروح بداخل الضامـر المشلـوح=من الجـادل اللـي حاكمتنـي وحاكمهـا
هنوفن عيوفن من تولّـع بهـا مسمـوح=كساها الحلا من الـراس لاحـد مقدمهـا
غنوجن عنوجن بهرجها للعـرب سحـوح=فتونـن يضيّـع كلمتـه مـن يكلّمـهـا
بها من مهاة الريم غـره وفيهـا لمـوح=تـذوب القلـوب بنـارهـا ماتقاومـهـا
عليها الله اكبر كيف جاحت فـوادي جـوح=بهـا النفـس مرهونـه ولانـي بلايمهـا
تمركز غلاها غصب ماعاد هـو ممسـوح=ولاعاد لي سلطه على النفـس ايممهـا
انـا صاربـي ماصـار للخـس ياملّـوح=طواني هوا خلن طـوى الحـال واعدمهـا
خليلن تخلخل خل عقلـي وشاحـه شـوح=عزلني عن العالم دها النفـس واوهمهـا
خطاها كبر سنجار ميـر الخطـا مدمـوح=لعـل وعسـا ترحـم وذا مـن مكارمهـا
[/poem]

4 .

[grade="00BFFF 4169E1 0000FF"]غزليه لشاعرنا سعود الوسمي وقد جاراها الشاعر محمد الخس والشاعر شامان عمر والشاعر ذيب الشمري [/grade]
.................................................. .............................
[poem=font="Simplified Arabic,4,black,bold,normal" bkcolor="transparent" bkimage="" border="double,4,gray" type=0 line=0 align=center use=ex num="0,black"]
تغنّت طيور الشعر في روضـة البستـان=تغـرّد طـرب وانـا جذبنـي تغـردهـا
جذبني صدى صوته على الحاجر المليـان=يطـوّّّّح مواويل(ن)علـى البـال ارددهـا
تهيّض وهيّضني شجا وحـرّك الاشجـان=يداعـب شعـور الشعـر كنـه يعاندهـا
وجته القوافـي مطلقات(ن)بـدون اعنـان=مطـرّز معانيهـن بصـافـي زمـردهـا
تجاوبت انا والورق فـي ملتقـى الخـلان=مكان(ن)اليـا جيتـه همـومـي يبـددهـا
مكان(ن)نقش في داخـل الذاكـره عنـوان=يذكّـر علـيّ عهودهـا يـوم اعاهـدهـا
سقاه الحيـا مـن هامـل الديـم لـه ودّان=يربّـع بـروضـه والمـأثـر يجـددهـا
لجل كد مشى في روضته قايـد العـزلان=فريد(ن)فـرد بالزيـن والـرب فـاردهـا
غريبه وصوفه ماوصوفه وصوف انسـان=من الحور جلّ اللي عـن الخلـق زايدهـا
كساه الحلا والملـح والنـور فيـه الـوان=ملاك(ن) ملك نفسي عـن الغيـر قيّدهـا
غرير(ن) غرور مغطرس(ن)بالجهل غرقان=قريب(ن) بعيد(ن) عن هل اللعب مبعدهـا
نظيف(ن) عفيف(ن) ماقضى للمولع شـان=تموت النفـوس مـن العطـش مايشهّدهـا
محافظ على عهـده مهـو للعـده خـوّان=هواها علـى وضـح النقـا ذي عوايدهـا
اخذنا بماض الوقت انـا والغضـي عبّـان=قبـل لايفرقنـا حـسـودي وحاسـدهـا
تجدد عهود الود غصبـن عـن الزعـلان=وتبـرا قلـوب(ن) كايـد الـود ضاهدهـا
وتطيب النفوس اللي طواها نيـا الحرمـان=تـوارا الـزمـان ولانفعـهـا تجلّـدهـا
قلوب(ن) تساعر وسطها واهـج الضيّـان=تقـل بالخنـاجـر والهـنـادي تقـددهـا
حرمها عن اللي تشتهـي ميّـت الوجـدان=حرمها حرم من شـوف عينـه ومرقدهـا
عسى الله يعوّض مامضى بنعمـة النسيـان=تجـدد امـال(ن) مابقـى الا شرايـدهـا
.................................................. ...............[/poem]
[grade="00BFFF 4169E1 0000FF"]وهذه مجاراة الشاعر محمد خلف الخس [/grade]
.................................................. ...
[poem=font="Simplified Arabic,4,black,bold,normal" bkcolor="transparent" bkimage="" border="double,4,gray" type=0 line=0 align=center use=ex num="0,black"]
سمعت البيوت اللي من الحصّ والمرجـان=بيوت(ن) صنعها المصنع اللـي مورّدهـا
من الوسمي اللي صار في خانـة الهـزان=تذيـع الاذاعـه بـه وتنشـر جرايـدهـا
تذكّـر وذكرنـي وجيتـه مـن الحيطـان=كمـا المضميـه تذكـر عليهـا مواردهـا
سعود يتمشى في بحـور الهـوا غرقـان=وانا عبرتي في داخـل الصـدر اذاودهـا
ذكرتك الغلا ياعارض الما على العطشـان=كبـود(ن) تحـب وتشتهـي وش يجوّدهـا
سقا الله سقـا الله ماذكرتـه هـك الزمـان=طـرف ليلـة(ن) ماتنتحسّـب فوايـدهـا
مع الجادل اللي كنهـا مطـرق الريحـان=حشـى ماعطتنـي بـس منـاك اشاهدهـا
واحب التراب اللي تجي فيه لـو صـوّان=وارصّه علـى كبـدي شـوي(ن) يبرّدهـا
يطفي لهيـب(ن) ثايـر(ن) كنّـه اليركـان=تضمّّّه مهاديـف(ن) عسـى الله يساعدهـا
من العندل اللي شوفهـا يبـري الاحـزان=اكـنّ المـوده مـن طرفهـا واجاهـدهـا
من الحور لولا الحور رافعهـن الرحمـن=لقـول ان زيـن الحـور فيهـا موالدهـا
تحشر البشر في حسنهـا الباهـي الفتّـان=هك الغـرّّه اللـي تشتعـل ويـن تاجدهـا
ليا قضّت الاشقر ومـال وكسـى الامتـان=جميـع العـذارا فـي عيونـك تزاهدهـا
يميل الهوا فـي عودهـا الناعـم الريّـان=هواف(ن) خواصرها وقوف(ن) نواهدهـا
هدب عينها لاطرّقت بـه علـى الاوجـان=شخاتير مزن(ن)في بيـاض(ن) يطاردهـا
ليا طبّت الملعب يصيـب الوقـوف جنـان=كما الكرده اللي تعجبـك فـي تمرعدهـا
مع الزيـن والقبلـه عليهـا حـلاة لسـان=تسلّ النفـوس اللـي قـوي(ن) عقايدهـا
لو انه من اول يوم لهـل الرمـك ميـدان=ثمنها المهار اللـي طـوال(ن) جلامدهـا
عسى ديرة(ن) تسكن بها لوهـي الصمـان=عليهـا قنـوف الوسـم ترخـي قلايدهـا
لعل المزون اللـي تكاشـف لهـا ربّـان=تهشّـم عليهـا ليـن تـمـلا مصامـدهـا [/poem]

5 .

[grade="00BFFF 4169E1 0000FF"]لنرى هذه الرائعه لشاعرنا سعود الوسمي
وهي تعبر عن نفسها:
.................................................. .........[/grade]

[poem=font="Simplified Arabic,4,black,bold,normal" bkcolor="transparent" bkimage="" border="double,4,gray" type=2 line=0 align=center use=ex num="0,black"]
الا ياعذولي كف عذلك بدون احراج = دخيلك ترى بعض العرب ماتحمّلها
انا منتحي والمنتحي صعب ماينعاج = يدوس المخاطر بالقدم ويتساهلها
يشوف الدروب الكايده كنها الديباج = يزور السباع الضاريه في مداهلها
حداه الغرام وصابه من الغرام خلاج = عيونه تهل الدمع ماكف هاملها
على من تمكن في ضميري غلاه ولاج = نحا وانتحا في راحة النفس واشغلها
حبيبن لبيبن لبق للنفس والمزاج = عطوفا رؤؤفا بالقلوب وتعاملها
خبيرا بسلم الحب والعرف مايحتاج = حوى واحتوى كل الصفات ومسائلها
تمريع بعودن ناعم انعم من الكرباج = لياهب نسناس الهوى غصب ميّلها
غريبا بوصفه في جميع الوطا ماداج = تجلاّ وجل اللي عطاها وكمّلها
بعقل وثقل من فوق رووس العذارا تاج = وهذا الذي عندي رفع شان منزلها
ولو كان ماحصّلت للجرح منه علاج = مخايل مزونه تتعب اللي يخايلها
رفيعا مقامه عن هوى العاشق البلاّج = شريف المسار وسيرته مايحوّلها
اسرني بحبه غصب ماعاد فيه افراج = ونفسي اسيره مالها عفو يشملها
لعل وعسا يعطف على العاشق المحتاج = بعطفه ولطفه بذ نفسي توسّلها
انا المغرم اللي ضاع في غبّة الامواج = ولاعاد اميّز بين حابل ونابلها[/poem]

6 .

[grade="00BFFF 4169E1 0000FF"]ولنرى ايضا هذه القصيده التي لها طابع خاص جدا
لشاعرنا سعود الوسمي :
.................................................. ....................[/grade]
[poem=font="Simplified Arabic,4,black,bold,normal" bkcolor="transparent" bkimage="" border="double,4,gray" type=2 line=0 align=center use=ex num="0,black"]
علامك تنوح ازعجتني ياحمام الورق = تغنّي طرب ولاّ توجّد على الماضي
ترا للغنا عند المهاوين عدة طرق = طرب ياحزن محدن يغني على الفاضي
وانا عارفن مابين حالي وحالك فرق = ولوماكشفت اسرارك اعراضك اعراضي
زمانن درقنا ياحمام المحبه درق = وهذي فعوله دايم اطوال واعراضي
حرق قلبي وقلبه بنار المحبه حرق = الاياوجودي ليت لاهل الهوى قاضي
وياخذ بثاري من وليفن سرقني سرق = نهب قلبي ولاحدن على فعلته راضي
فردني عن العالم وصلّى بقلبي شرق = تسيطر وذلّلني ماعدا عن احياضي
لعوبن لعبّي شفت منه المصايب زرق = وعيت تطيب النفس مافيه تعتاضي
قطوعن قطعبي للقطاعه بقلبه عرق = احاضي على قربه ولااشوفه ايحاضي
غرورن غريرن غارقن بالجهاله غرق = وكنّه على ذبحي يحرّض تحرّاضي
بسهم المحبه من عيونه زرقني زرق = تفنّن بذبحي في سريعات الالحاضي
يباهي بخدّن لاكشف مثل ضوح البرق = سنا نور وجهه في ظلام الدجا ياضي
تبسّم ببيضن لاطوالن ولاهن فرق = كما حب رمانن على طلعته ناضي
كمل واكتمل زينه وكفّ البنات الطرق = تبصّر بحسنه من فرض خمس الافراضي[/poem]

7 .

[poem=font="Simplified Arabic,4,black,bold,normal" bkcolor="transparent" bkimage="" border="inset,4,gray" type=2 line=0 align=center use=ex num="0,black"]
يازين لو حاولت صعبن رجوعي = لاتعتذر مافيه داعي للاعذار
وش عاد لو خدّي شكا من دموعي = والله ماارجعلك ولو صار ماصار
الحر ياعذب السجايا جزوعي = ماهو على بعض المواضيع صبّار
وانا نسيتك ياغريب الطبوعي = ماعاد لك في داخل القلب تذكار
جزاك يومنّك لوصلي قطوعي = حبّن بليّا اخلاص لابد ينهار
وانا تركتك باقتناعي وطوعي = عندي عزيمه يااريش العين واصرار
مهما حصل يازين مااعلن خضوعي = لاوالذي بيديه تصريف الاقدار[/poem]

8 .

[grade="00BFFF 4169E1 0000FF"](( عـــن بعــــض نـــــاس ))
لشاعرنا ايضا .. لنترككم معها ..
..............................................[/grade]

[poem=font="Simplified Arabic,4,black,bold,normal" bkcolor="transparent" bkimage="" border="solid,4,gray" type=2 line=0 align=center use=ex num="0,black"]
عن بعض ناس اقصري فالمشي يارجلي = من لايقدّر مجيّك ليه تنصينه
لاصار لامن زهمته مايجي عجلي = وش خانة العشره اللي بيني وبينه
خله يولي عسى الله منه يفرجلي = حرام ماتبكي عيوني على عينه
ماهو بلاناقصن رزقي ولا فأجلي = الرزق و الاجل عند الله وبيدينه
زرعت بارض الصبخ باغيه ينتجلي = ولا طلع فيه غير الملح والطينه
ضحين لجله ولاهو مضحّين لجلي = عن ماتسوي يميني تقصر يمينه
انا بعلم المفاخر حافلن سجلي = اتعب على الطيّبه واعرض عن الشينه
يوم الردي في حبال السوء ينسجلي = وانا احسبّنه صديق ونيّته زينه
قدّام وجهي يرحب بي ويبلجلي = واثره يخفّي العداوه ليّ بيدينه
ماهو بلاحق جزايه لو يحجّجلي = يوم الحبل حط بيدينه ورجلينه[/poem]

9 .

[grade="00BFFF 4169E1 0000FF"](( وردة البـسـتـان ))
...............................[/grade]

[poem=font="Simplified Arabic,4,white,bold,normal" bkcolor="transparent" bkimage="backgrounds/28.gif" border="double,4,gray" type=2 line=0 align=center use=ex num="0,black"]
يازين ضحّيت لك وارخصت لك روحي = والظاهر ان تضحياتي مانت شايفها
عليك جاوبت نوح الورق في نوحي = والعين حرّق خدودي حرّ ذارفها
ياعلّتي ويادوايه داوي جروحي = سبايب جروح قلبي وانت عارفها
مما حصل لامباح ولانت مسموحي = عذّبت نفسي عسى الله منك ينصفها
يكفيك عن حب غيرك مبعد شبوحي = كل من بغتني على شانك اطوفها
مهيمنه بالغلا لاابصر ولااوحي = معمي عيوني عن العالم ومحرفها
مع كل هذا بوصالك صاير شحوحي = بخلت في وردة البستان لااقطفها
قلي من الحب هذا ويش مصلوحي = لاصار ماتترك النفس بتصرّفها[/poem]

10 .

[POEM="font="Simplified Arabic,4,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]يابدر قل للغضي ماعاد انا يمه = بدّلت رغبة هواه برغبة نياقي
ماجاني قصور منه ولااقدر آذمه = لازال حبه على طول المدى باقي
خلّن خليلن تخلاّ عن بني عمه = لجلي وانا لجلها ماخون ميثاقي
يوم الهوى عدل له يمه وبالقمه = آخذت ياخو عزيّز منه مالاقي
عشقن ينومس ماهو من عشق هالخمه = مجرّدينه من المعنى والاخلاقي
حلفت عن عشقهم والحلف لاآتمه = ماني بمن عشقه يلفّق تلفّاقي
مشين مع الصفر يبري القلب من همه = يدله بهن خاطر المحزون لاضاقي
صفرن غلاهن جرى بالقلب مع دمه = متمركزن حبهن في داخل اعماقي
ماهمني من غرام الصفر ماهمّه = عندي خبر للعرب شوفات واذواقي
من لامني ياعسا بقعا تفاج امه = ولاّ تسكّر بوجهه كل الارزاقي[/POEM]

11 .

[POEM="font="Simplified Arabic,4,darkblue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]ياكثر ماواجه وياكثر ما اوحي = لاشك مالي بالسواليف حاجه
ماهمني ماقيل واثق بروحي = والرجل يعرف مدخله من خراجه
ماني ضعيف ولاقصارن شبوحي = مير ان طرد الهرج عيب وسماجه
والسب عيب ولايداوي جروحي = والصد هو طب الضمير وعلاجه
هذا وانا ببعض المواقف سموحي = ولا بعضها عيّ فيه انعواجه
وانا لجزلات المواقف طموحي = وقلبي على الطولات فيه اندلاجه
يومن بعض الناس كلبن نبوحي = دايم وله وسط المجالس لجاجه
عسا سرحه ماتشاوف سروحي = وعسا يجي بيني وبينه زراجه
اخير لي فرقاه خلّه يروحي = الحر مايرضا لكسرة حجاجه
لاصار نذل وفيه حسد وشحوحي = وش عاد ابيبه ما مزاجي مزاجه
والله مادانيه ماني مزوحي = والقلب مع مثله صعيب اندماجه
بغضه بقلبي ثابتن مايروحي = دام الفخر لابس على الراس تاجه
ولو قلت ابصبر غصب سدي يبوحي = حيث اني ماارغب لشوفه مواجه
يضحك معي والقلب ماهو نصوحي = لسانه حلو بالهرج والقلب صاجه [/POEM]

12 .

[POEM="font="Simplified Arabic,4,darkblue,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""] قلبي الي لاستراح ولادله = شيب براسي قبل وقت المشيب
مقصده لاهو غرام ولا وله = مقصده علم الفخر لوهو صعيب
واهني الي تعبله ووصله = اشهد ان الطيب من طيب النصيب
نال تاج الطيب والمجد احمله = ماخذه لامن بعيد ولا قريب
من بغى الطولات يفعل مافعله = لا يتردد الفخر دربه تعيب
كل راعي عمل يجزى بعمله = الردى بدل الردى والطيب طيب
صانع المعروف في غير اهله = مثل من فرغ صميله فالشعيب
قالها الي ماتغطرس بجهله = التجارب فاد صاحبها الطبيب
شاعر (ن) اليا بغى الشعر افتله = ما ختلس بالشعر يزعب من جليب [/POEM]

13 .

[poem=font="Simplified Arabic,5,black,normal,normal" bkcolor="transparent" bkimage="backgrounds/39.gif" border="double,4,gray" type=2 line=0 align=center use=ex num="0,black"]
ياصاحبي لاحوّل ماعاد لي راي = لعبت في فكري كم لعب شطرنج
اتهون بلوا المبتلي عند بلواي = خف الغلا عن مغرمن حانجه حنج
لاشوف لااسمع لااعرف وين مرساي = افيق واغيّب مثل صاحب البنج
مما جرالي منك تصخف لي اعداي = ارفق بحال مولعن سانجه سنج
كني بعزله ماش مخلوق وياي = بغياهبن من دش فيها فلا ينج
اصارع امواج الدهر وانهك اعضاي = في غبتن من عمقها يطبع اللنج
احرمتني يازين من طعم دنياي = يامن عليك اهل الهوا ارقابهم عنج
هذا صوابك بالحشا ينزف ادماي = متمكن بالقلب خمسة عشر انج
ماعاد يبرا ناقلن داي برداي = خليت قلبي عقب الايقان يخلنج
لاماك يغنيني عن الزاد والماي = انت الهوا وانت الدوا بطبعك الغنج[/poem]

14 .

هذه القصيدة قالها الشاعر سعود الوسمي بمناسبة فوز ابل الشيخ ندا بن عشوان في مزاين ام رقبة لعام 1426 وحصولها على نتيجة النخبة

[poem=font="Simplified Arabic,5,black,normal,normal" bkcolor="transparent" bkimage="backgrounds/2.gif" border="none,4,gray" type=1 line=1 align=center use=ex num="0,black"]
مبروك مبروك فوزك يابن عشواني=الفوز فوز المراجل وأنت تحريبه

هذي عوايد لكم من ماض الازماني=ماهو نبيته وكل الناس تدريبه

يوم القوامات والغزوات والعاني=بمانكم تسرح العوبا وتضويبه

من دونها محتسين أسنان وعناني= محدن يشره على أخذتها لكم هيبه

يشهد لكم بالملاقا السيف شاماني=لا ثار قفش الفشق تشهد مضاريبه

تروون حد العريني يوم الأكواني=جدع المدرع لكم عاده تسابيبه

كم خيرٍ طاح بالميدان ويعاني=من ضرب يمنن تضيع أبها تطابيبه

لطار عن مترفات الغيد الايقاني=بيومٍ عبوسٍ يهيل العقل ويريبه

مع دربكم تشبعون الذيب سرحاني=كم غافلن ما درى حستم مشاريبه

والفوز فوزٍن لكل مطير من داني=كل القبيله يابو هابس تماريبه

يستاهلنه بنات الهرش عبداني=فوزٍ ينومس بلا شك ولا ريبه

ما هي حسايف عليهن دفع الأثماني=ما جابهن من يصر القرش في جيبه

صفرٍ تعدن على الأول مع الثاني=لنخبه أرضن ندى وأرضن معازيبه[/poem]

15 .

[poem=font="Simplified Arabic,5,black,normal,normal" bkcolor="transparent" bkimage="backgrounds/11.gif" border="none,4,gray" type=1 line=0 align=center use=ex num="0,black"]
اداعب غرام الشوق واشتاق للمشتاق = واحن الوليفن صار ضنه على ضني
حسين الوصايف محسنن خلقه الخلاق = يفوق بجماله لوحة الراسم الفني
ملاكن نزل للارض من عالي الافاق = خذا من حسن يوسف جمالن به اذهلني
يماري بخد ومبسمن يذبح العشاق = وعيونن تهدد بالخطر يوم تفتني
وتمايل بجسمن لاعريضن ولا بدقاق = معزل وهذا الي ذبحني وجنني

عليها الله اكبر كل وصفن عليها لاق = عسا الله يسترها وذا حقها مني [/poem]
وقد جاراه الشاعر الكبير متعب الديري الحربي

[poem=font="Simplified Arabic,5,black,normal,normal" bkcolor="transparent" bkimage="backgrounds/11.gif" border="none,4,gray" type=1 line=0 align=center use=ex num="0,black"]

تهيض سعود وهاضني طيب الاخلاق = تسبب سعود بضيقتي مادرى عني
بحثله امورن كد مضتلي وانا ملحاق = عسالله يبيحه جدد الجرح واشحني

ويعود السبب لسعود في وصفه الرماق = وصفله بوصفن زادني شوق واحزني

وذكرة الخشوف الي عذابن على التفاق = واذكرت الغدير الي على ماه يردني
وتوارا الزمان وراح والكل منا ذاق= مرار الفراق وماحصلي حصل مني [/poem]

عذرا فيه بيت لم اذكر بقصيدة متعب الديري لعدم وضوحه

16 .

[/align][poem= font="Simplified Arabic,5,chocolate,bold,normal" bkcolor="transparent" bkimage="" border="none,4,gray" type=2 line=1 align=center use=sp num="0,black"]
فهد نثر دمعه على الطير هداف = وانا انتثر دمعي على بعد خلي
اطلق سبوق الطير والطير مزهاف = الليل ممسي والطلوع متعلي
وقام ايترقا بالهوى زاف معزاف = حتى غدى بعيونهم ربع ملي
دخل بوسط الغيم ماعاد ينشاف = صامل وبلحوقه عليهن مغلي
واصبح يومي له على كل مشراف = هو مادرى ان الطير خل ٍ مولي
وانا جرالي ماجراله بالاوصاف = مالاع قلبه لاعني يوم احلي
كد لافني من التفارق لوّاف = ياما اعمسن بالي وياما صفلي
عيّا الدهر عني ينّوي بالانكاف = كل يوم سيفه قدم وجهي يسلي
عرقا على كبدي بكونه مضراف = حتى العدو يصخف من اللي حصلي
على عشير ٍ مسرف بحالي اسراف = ولالي وراه اشبوح ياكبر غلي
لا قلت له رفـْبي ترى الرب روّاف = قال انت جايزلك وانا جايزلي
خلك تحس ان الهوى ضعف الاضعاف = مما حصلي منك يوم التغلي
حتى تقر وتعترف مابك انصاف = ابيك من مبطي تصير بمحلي[/poem]

17 .

[poem=font="Simplified Arabic,5,darkblue,normal,normal" bkcolor="transparent" bkimage="backgrounds/16.gif" border="solid,4,gray" type=1 line=0 align=center use=ex num="0,black"]
ياهاجس الشعر ياشغلي ومشروعي = منك القوانين اصدرها واشرعها
اشوف وواحي واخير اسكر سموعي = الاذن للخايره مرخي مسامعها
احفر وادفن لها في داخل ظلوعي = والف جثمانها قدام اشيعها
ماني مخايل مخايل كل مصدوعي = تردم مزونه وتلقى من يفرقعها
في نشوة السكر لايفقه ولا يوعي = حتى بحبل النشب نفسه يدرعها
اضفي جلابيب صبري فوق موضوعي = عن لاتحرف علومي عن مواضعها
ماولع النار فصحابي وفربوعي = حيث ان نفسي بعيداتن مرامعها
اجنب الهرج من كيفي ومن طوعي = لو مالت النفس ماني مايلن معها
ماني بخايف ولاني معلن خضوعي =لكن نفسي سما العادات تمنعها
ماهمني لو حكابي قاصر البوعي = قصديرتن غرت العالم تلمعها
ماهد طير القنص والصيد جربوعي = فروخ الجرابيع تلقى من يجربعها
عن بعض طلع الطيور ابعد طلوعي = ولا طيور القنص احسن نبرقعها
مايروي الكبد ولايشبع من الجوعي = اطماعتن ماتنومس في مطامعها
ماهو بكفون عليه امشي جموعي = عن الصقايط اعز النفس وارفعها
ابعد عليه الفخر من حبة الكوعي = لايحرث النار بيدينه يولعها
يبلش بنفسه وعنه المنع مرفوعي = من شب نار الفتن لازم يلاوعها
يبا الطماعه وهو من قبل مطموعي = مسرع نسى ماضي الدنيا وواقعها
من العذاريب به خمسة عشر نوعي = لو المرقع يرقع مايرقعها
ابنصحه كانه محرض ومدفوعي = ان طاعني يقبل الصحه ويبلعها
لايحط لسالفه جنحان وفروعي = يدخل متاهات فكره ماتوقعها
ولا له الحبل مثنين ومربوعي = وكويه عن الغطرسه تبرا ونردعها
والكوي للعالم محلل ومشروعي = ولا قرايه تحشر الجن بجمعها [/poem]