صم الجبال الشامخة تبقـى رغـم هـوز الريـاح
لو الرياح فـ.. كـل حيـن و كـل سـاع تهبّهـا
شدة عزم .. قوة صبر .. تفسيـر ردع الإجتيـاح
مضرب مثل للي صدوف الوقت مـا يحسـب بّهـا
يوم إن مردوم الرمـال إن هبـت الأريـاح طـاح
الشكـل مثـل الطـود .. لكـن البـلا فـي لبّهـا
رد الخبر يا اللي نطحت الصايـح بـزود الصيـاح
النـار لا يـحـرق سنـاهـا جـاهـل يشتبّـهـا
ما عاد فيها ضحكة حجاج .. و سواليف .. و مزاح
من دور النشبه مـع طـول الزمـن ينشـب بّهـا
البارحة برق جـذب شوفـي مـع الأسحـار لاح
كنـه شـرارة سـوط جـلاد يـده يــا شبّـهـا
و الغيم يا طيبه .. و لو إن سده مـن الجلـد بـاح
يهل عـذب المـاء .. و جـدب الخاليـات يرُبّهـا
و أنـا سواتـه تجلـد الأيـام ظهـري يـا فـلاح
و أزيد في طيبي .. و أعرف إن التجاهـل طبّهـا
لكن يـا النبـع القـراح .. اليـوم لا تنبـع قـراح
إلى متى الأعضب يجيـك بعضبتـه يشـرب بّهـا
دام المجامل ما يضـوي خيـر يـا رمـز الكفـاح
كب التغاضي .. و الضعوف اللـي تجامـل كبّهـا
اللي يقدم طيب .. نخفض له جـزا طيبـه جنـاح
و إليـا عثـر لـه فـي مطبـه نسنـده و يطبّهـا
و اللي يقدم شر .. يلقى شـر مـا يلقـى السمـاح
نلعن ثـواه .. و حسبتـه ياتيـه مـن يلعـب بّهـا
عشنا و شفنا .. و الزمن تجريب.. يا زمرة سجاح*
أطيبكـم اللـي تِبْعهـا و أرداكـم الـلـي نبّّـهـا
الشرك الأصغر مستوي عندي مع الشـرك البـواح
الأولـه مـا أحبهـا .. و الثانيـه مــا أحبّـهـا
خوة ردي الرابعـه مـا هـي تجيـب الإنشـراح
إلا تـوردك الهـمـوم الـلـي غـويـرٍ غبّـهـا
قولة مجرب للزمن .. ما لاح من جـوره و شـاح
إن سبهـا مـا حبهـا .. و إن حبهـا مـا سبّهـا
الله يخلـي للحليـم إن ضـاق خَلْـيـات الفـيـاح
و نوايـفٍ لا بـاح سـده مـن زمـانـه ذبّـهـا
,,
الله الله الله الله
الله الله الله
الله الله
الله
الله الله
الله الله الله
الله الله الله الله
ابداااااااااااااااااااااااااع ابداااااااااااااااااااااع
محمد آل عبدان
لله درّك لله درّك لله درّك لله درّك
شاعر يا محمد مبدع بكل ما تعني هذه الكلمه
صح السانك
صح السانك
صح السانك
صح السانك
..
|