منتديات المرقاب الأدبية - عرض مشاركة واحدة

04-06-2007, 01:05 PM

أولا نشكر جميع من شارك والشكر موصول إلى صاحب الفكره

ثانيا مشاركه بسيطه

الشاعر ناصر الحربش المطيري

له قصائد كثيره وعديده لكن مجمل قصائده غزليه

حيث قال

[POEM="font="Simplified Arabic,4,black,bold,normal" bkcolor="transparent" bkimage="" border="double,4,gray" type=2 line=0 align=center use=ex num="0,black""]يالله يا قاضي غرض كل منيوب = عليك أنا يالمعتلي قضى نوبي
عليك أنا نوبي من البيض رعبوب = اللي على بالي صغيرا عجوبي
ريميةْ غرّا عصت كل حاطوب = كم واحد جاء من طردها يكوبي
لا عايسوها ناحرت خشم صعنوب = أقفت ولقتهم نشيط الهبوبي
كن الزباد بمنحر الترف مكبوب = مكبوب في لونٍ تقل لون روبي
والخد يشدي دفترٍ بيد كاتوب = وإلا لميع مصقلٍ باللعوبي
والراس ذيل كروش ولا إم عرقوب = بايام عرضاتٍ عليها نصوبي
وحسناك يا حاسن مطر كل حالوب = تلمنا ياللي تلم الذهوبي
وقلت آه لو هو يرهم الثوب للثوب = لا شك ما ثوب الغضي مثل ثوبي
أخاف وأدري لابةٍ ما بها عيوب = المنتحين اللي بعين الجنوبي
يا عاد ما في لابتي كل عذروب = أخاف من يمي تجيهم عيوبي
اللابه اللي غلقوا دوني البوب = أدري بزلتهم وهم ما دروبي[/POEM]

وله أيضا

[POEM="font="Simplified Arabic,4,black,bold,normal" bkcolor="transparent" bkimage="" border="groove,4,gray" type=1 line=0 align=center use=ex num="0,black""]يالله يا رفّاع ناسٍ على ناس = يا رافع المقدي على التايهيني
أنك تجيب الترف مدقوق الالعاس = حتى استريح وتقبل النوم عيني
أبو خديدٍ خط حبرٍ بقرطاس = أبو خديدٍ كالورق باليميني
حمست قلبي حمس بنٍ بمحماس = وأن دقه الخادم طليق اليديني
وعروق قلبي من بلاويك يباس = بلوت هشيمٍ باليته السنيني
أخاف يطلع علمنا لنايد الناس = لو أختفى يومين ثالث يبيني
وأخاف من ربعٍ على أكوار جلاس = متلطمين وكلهم منّطنيني
رصاصهم كالشوك ما يخطي الراس = يودع عظام الراس مثل الشنيني[/POEM]

وله أيضا

[POEM="font="Simplified Arabic,4,black,bold,normal" bkcolor="transparent" bkimage="" border="ridge,4,gray" type=1 line=0 align=center use=ex num="0,black""]يا راكب اللي من الهجن مشوال = تقض الغرض لو ماقع الكور خالي
يا هلال وين اللي على البال يا هلال = ما دلّهن عنها شقاي بحلالي
زين التهايا ضامر البطن يا هلال = لا شفتها يا هلال ينساح بالي
لو ينشري والله وينباع يا هلال = لا شريه انا والله على كيس حالي
يا هلال ردفه ينبز الثوب يا هلال = شط الفروق اللي زواه الخيالي
يا شبه صفرا مع الخيل يا هلال = صفرا وخيّاله عديمٍ هلالي
يا ريح خلي ريح روضٍ ليا سال = سيله قحوم وسايلٍ له ليالي
يا هلال له قرن على المتن ميّال = أمنع منيعٍ من مكين الحبالي
لو تنحدر به تورد البير يا هلال = وتظهر على دلوك قراحٍ زلالي[/POEM]

وله أيضا

[POEM="font="Simplified Arabic,4,black,bold,normal" bkcolor="transparent" bkimage="" border="inset,4,gray" type=2 line=0 align=center use=ex num="0,black""]يا راكب اللي ما مشت بأمر شوخي = ولا دنّنية للي لهم من مراسيل
حمرٍ حماره ناطعٍ تقل جوخي = أو دم جوفٍ من سبب فاخر الخيل
حمرٍ بيمناها سبوحٍ طروخي = تعبى لتقطيع السهال البهاذيل
العيره اللي للسفيفه لفوخي = من ساس عيراتٍ بعاد المحاويل
عينه كما عين النصوب النذوخي = اللي تلولب عينها بالازاويل
ركابها اللي ليا هرج ما يلوخي = المذرب اللي يفصل الهرج تفصيل
لا جيت مجلس لابتي كالصنوخي زمل الجلب ماهم دقايق مخاليل
ربعي على الازم رجالٍ زنوخي = كل القبايل من عياهم مغاليل
ملفاك من يلبس على الدرع جوخي = لا صك صكاكه لراسه جهاويل[/POEM]