ريم التركي

الشاعر / مـحـمـد عـوض بن سـرور المـطـيـري

(( بـيـن ايـاديـك ))

[POEM="font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]لاتقولي وينك وانا بين اياديك"="انا البحر والوقت مدي وجزري

البارحه ليلي ماهو من لياليك"=" ليلي طويل وضيق الضيف صدري

جاني مسير واحدٍ مايدانيك"=" وقعد يبيع من السوالف ويشري

اقول بالفطره عسى الله يحييك"="واقول في نفسي بعد ملّ صبري

ياعاذلي عساك تسري سواريك"="الليل طرف وانت عييت تسري

واسج وانسى انه قبالي واناديك "="ويقول ويش تقول واقول اهذري

اتخيلك ياشوق شعري واحاتيك"=" خابرك مالك ليل وتنام بدري

اعنيك ياللي كل مافي يعنيك"=" وياللي بعيني كل مافيك مغري

ياليتني لو اقدر اجيك واجيك "="ويرتاح من طاريك بالي وفكري

اغليك تدري ليش يومني اغليك"=" حتى انا يومني اغليك مدري

تحب شعري ليش حببتني فيك "="غير ك كثير اللي يحبون شعري

شفني ازعلهم علشاني ارضيك"=" يمكن يعذروني مدام انت عذري

بس انت دور لي عذر قبل اخليك"=" وتدري متى اخليك لادم قبري

يعني عسى عيني ياعيني ماتبكيك"=" وياعل يومي قبل يومك ياعمري[/POEM]

(( مـسـافــر ))

[POEM="font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]باكر مسافر بس مدري على وين = قبل الوداع اذكرك بالوديعه

بإلله لأطريت السفر لا تضيقين = اخاف لا ضقتي تضيق الوسيعه

وانا السفر عندي مثل ماتعرفين = طبيعه و محدٍ يغير طبيعه

مثل الزعامه في عيون السلاطين = حكام نجد مقومين الشريعه

وثل المعزه في نفوس العزيزين = اخوان جوزا أهل السلوم الرفيعه

ومثل البشاشه في وجيه الجمالين = زحول الرجال أهل النفوس المطيعه

ومثل التفاخر في طبوع الشعالين = بأمجاد أهلهم والحصون المنيعه

يعني طلبتك ياعذاب المزايين = لا تطلبيني شي ما أستطيعه

إليا غدى الصمان مثل البساتين = وأقفى خريف الصلب وأقبل ربيعه

وكلمت ابوتركي طليق الحجاجين = وقال الوعد روضٍ شمال الرفيعه

سريت من دارك على خير هالحين = هالحين لا باكر ولا هو تبيعه

وأليا غدى في عيني الليل ليلين = وصوت الهوى صوت السباع المجيعه

ماعندي إيميل وبريد وعناوين = إلا الصحاري والخطوط السريعه

وإليا زملت اذكر فعول الدياحين = وأرضى ببعض اللي مضى عن جميعه

يطري علي لافي وهزاع وحسين = أخر رموز معنزين النزيعه

الدار موحش والجماعه مقيمين = والحر مايرضى بغير الطليعه

وأنتي مطاليبك على الراس والعين = ما أرضى علي ولا عليك الهزيعه

الغدر ماهو من طبوع الأصيلين = والله يا مني ماتجيك الخديعه

بس السفر كانك بديتي تلحين = يمكن يجي بيني وبينك قطيعه

ودامك عشقتيني على الزين والشين = قولي كذا إن ما طاعك الوقت طيعه

وإليا زعلتي والله إنك لـ ترضين = لأن من شرى قلبي يحرم يبيعه

وانا بـ أقول وسوي اللي تسوين = غير جبال ولا تغير طبيعه[/POEM]

ودمتم بخير ...

ليت الزمن ( عتيبي ) ونبخص اسلومه // لا ضاق صدري قلت تكفين يا ( الهيلا )