السلام عليكم

مشاركه جديده للتواصل وتعبر عن نفسها



[POEM="font="Simplified Arabic,4,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]يا وجودي وجد من روّح عليه الاختبارا=أختبار وظيفةٍ له عام وهوه يحتريها
بعد جاب الواسطات من اليمينا واليسارا=أنكفى دم المنيحه من يمين اللي يبيها
ويا وجودي وجد من ودع عياله فالمطارا=والتفت فـ أصغر بناته هو يجيها ما يجيها
سفرته طالب علاج ولاعلى الدنيا قرارا=والرضا بالحاصل المكتوب ما غرّ النبيها
ويا وجودي وجد منهو فوقه الوقت استدارا=عقب ماهو شيخ ربعه عودّت دنياه فيها
أتركوه مخومسين الدم من دون أعتبارا=والسبب من ضيق ذات اليد وأمسى مانسيها
ويا وجودي وجد رجلٍ في سجن طلاّب ثارا=طالبه في ولد عمه .. مير ذباحه لقيها
من يمينٍ طايشه والموت قصاف العمارا=اودعه فالسجن لين الكبد همه يحتديها
ويا وجودي وجد عودٍ زايده شيبه وقارا=له ولد محسن به النظره وقلبه ممتنيها
مير ماجت له على المنوه وما بالظن يارا=يوم وراه العقوق وكل ما يفضي اليها
كلها وجدٍ على حالٍ إليه الشعر صارا=بعد ما راسه طويل وبعد ما عرضه نزيها
كنه اللي يدفع الشهقات وقت الاحتضارا=يلتفت فعياله ودنياه ما يمدي عليها
والنهايه يا عياله حر من ضمن الحرارا=صقر لو أن الصقور اليوم شفنا مشتويها !![/POEM]




..ـ وسلامتـكـ/م ـ..

سبحان الله وبحمده
سبحان الله العظيـم