[FRAME="15 70"]اعزائي الكرام منسوبي وزوار منتديات المرقاب اعتذر عن الانقطاع عنكم ولاكن ثقوا انه لظروفي الخاصه وفي عودتي اليكم اهدي لكم هذه القصيده المتواضعة امام اسمائكم الشهيره وطرحكم الجميل وأملي ان تمتعكم لكي تعذروني على الغياب


[POEM="font="Simplified Arabic,5,black,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]هزتني الذكرى ونومي جفا الموق = ونظمت لي عشرين بيت على ساق
سبايك فيها اثمن اللول مدقوق = ما تستساغ إلا لراقين الاذواق
بوح الخفوق اللي من شوق محروق = الشوق حراق وقسا البعد حراق
يازين مادام ان اللقاء شبه موثوق = والله ان اجيك ولو على قطع الاعناق
باجيك ابي حق واوفي لك احقوق = وموكل امري على خير خلاق
يسوقني لك حسنك اليوسفي سوق = غيرك بعيني من الغنادير ما لاق
جيتك وانا قدامي وخلفي بروق = وفي العين برقك مايضاهيه براق
لجل ان حسن الماركة يشهر السوق = واريد سوقي يشتهر بين الاسواق
عطني علومك يابعد كل مخلوق = عساك ماعنايت من حر الاشواق
ودي نعيد اقلاعنا الاولي فوق = على بساط الذوق ونزور الآفاق
ياذوق يانبراس من يزعم الذوق = ياأحلا المذاق اللي من الصعب ينذاق
كم حسن منطوك زرع حسن منطوق= ومن حسن خلقك تقتبس حسن الاخلاق
ياكرم حبيب يجهل الغدر والبوق = يابو الحنان اللي كما النهر دفاق
لاشفت وجهك والشعر منه مفهوق = اشوف ليل تلبسه شمس الاشراق
ولاشفت نظرت عينك اللي بها توق = اشوف توق الحر الاشقر اذا تاق
حبك بقلبي ماكن بكل معلوق = ينساق في جسمي مع الدم لا أنساق
حبك بصندوق حفظته بصندوق = مخفية من الحساد في عمق الاعماق
من الصعب لو ماشوفك ارتاح واروق = أعيش في ضيق وهواجيس وارهاق
كل الحبايب باللقا تطفي الشوق = وأنا انظر بوجهك واحس اني اشتاق
والله لو لا وضع اقشر وممحوق = لا اغرق بنهر الوصل يباس الارياق
ودي انام اجازة الصيف ما افوق = سفرك برى المملكه صعب ينطاق
لا غبت عني يمكن اموت مشنوق = شنق بحبل البعد مامنه اعتاق
والمختصر ياراقي الفكر والذوق = وضعي معك مايحتمل بعد وافراق
وختمت بدع القاف ماني بمزنوق = ياهونها دام ان به اقلام واوراق[/POEM]


لكم الود والورد من اخيكم ومحبكم

الشاعر عبدالله الودعاني (ابوطلال)[/FRAME]