بعد مر الفراق اللـي سنينـه أجدبـت بالقـاع
وانا احفر فالثرى عن عذر يقنع شرهة اوجاعي
تجيني بعد طول اغياب تسالني عن الاوضـاع
تأمل في نحولي وانت تعرف وشهي أوضاعـي
يمر من السنين اسنين واللي ضاع منها ضـاع
وانا طـول الليالـي مانـي بغافـي ولاواعـي
تموت الخطوة اللي للنوايـف ودهـا المطـلاع
وهي ياناعـي الامـوات ماتلقـى لهـا ناعـي
ولالمت الرسايل يوم طوعنـي زمـن ماطـاع
وهي تلهث على بابك وملـت وقفـت الساعـي
تدور في كفوفك عـن عـزا للخاطـر الملتـاع
ووصلك مثل غيمـه بالمطـر مابللـت قاعـي
ومن بكره وفي بكره وانا في حاجتـي طمـاع
وهي لـو انهـا بالجهـد ماقصـرت بذراعـي
لكن الحظ يـوم انـا تعبنـا والبطـون جيـاع
مجوعني ومشبع ناس من مدي ومـن صاعـي
لان القحط مايعرف وش اللي محـوج الـزارع
لانه لو عرف ماضاعت انصافي ولا ارباعـي
فلو ان السفينـه روحـة فـي بحـرك الخـداع
على الريح الخطا يحسب ولايحسب على اشراعي
ولو ان المنادي يوم نادى أصغت الـه اسمـاع
ماكان الصمت صاير شي من فنـي وابداعـي
ولن تحيا المشاعر والليالـي كلبوهـا اوجـاع
بعد ماتت وهي حرجه مابين الذيـب والراعـي
لكن اسمع والك خطوه تودي والدروب اوسـاع
والك تبرير فاطباعك والي تبريـر فاطباعـي
بعد طحنا وقمنا مـن غياب(ن)مجدب(ن)بالقـاع
انا معذور لو قلـت الـك جيـه مالهـا داعـي
الله الله الله الله
فايز الثبيتي
صح الساااااااانك مدد ... مبدع مبدع يافايز
عزالله انك تروي الذاائقه ...
سلمت ودمت
أخوك
.,.
|