[POEM="font="Simplified Arabic,5,black,normal,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]يالضمير العذب في عسرك معاي ولينك=ما يشيّد بيت حبّ الا .. تحته اعماده
ايه خايف من فراقك يا بعد مغلينك=دام قلبك سارقٍ قلبي ..؟ وهو فـ إمهاده
والله ان احلى سنين العمر هيّ . إسنينك=انت يا طبّ الجروح اللّي بدون إعياده
الحزن فيني غدا بين الحياه وبينك=من طموحٍ معلنٍ عند الزمان إجهاده
كود لا حطيت كفّيني على خدّينك=مات حزني والسعد فيني بدا ميلاده
خلّ كفّيني عليك وفوقها يدّينك=دامها فالخاطر الضايق .؟ سبيل إسعاده
كلّ مرّه نلتقي فيها تزيد بزينك=كنّ وجهك فيه .. تغيير الملامح عاده
وان تجمّعنا .؟ سريت وضعت في ليلينك=ما يقدّيني بها . ألا نارك الوقّاده
فيك حاجه من شعر راسك .؟ ليا رجلينك=يطمع إبها من يشوفك . لو وراه احفاده
مير لا تومي بعينك ليّ . لبّا عينك=اقعد اسوّي لي اشيا والعرب نقّاده
ما نبت ورد الغرام ألا . على كفّينك=يا بعد جور الزمان وموقفه وإعناده
ويق .. من عيني على قلبي وقلّي وينك=كلّ لحظه مرتبة حبّك .. تزيد زياده
قام دمّي في شرايين المقام يعينك=لين صرت بداخله .؟ سيده وسيد اسياده
كان ديني في رقبتي في رقبتك دينك=كلّ منّا عارفٍ وش غايته وإمراده
والغلا حبل المشاعر .. والجفا سكّينك=والعهد بيني وبينك ما وصل ميعاده [/POEM]