[POEM="font="Simplified Arabic,4,deeppink,bold,italic" bkcolor="transparent" bkimage="" border="none,4,gray" type=1 line=0 align=center use=ex num="0,black""]اسر ياساري وردّ العلم عنّا=انت لامبدا ولاهم يحزنوني
كم حفرنا فالسراب وكم دفنّا=وكم لقينا عقب مضمانا مزوني
ماحسبتك تبعد الهقوات منّا=لين شفت اللي على بالي يهوني
يوم سقت العهد للكف المحنّا=ماحسبت حساب لو تطلب عيوني
انت لو تبدي على مرقب وطنّا=كان شفت اللي وقف دونك ودوني
كان همّك في عقاب وفي مهنّا=تبطي العذال في حسد وغبوني
حين شدّوا عن مواطنا نزلنّا=لاتعذّر بالطروق وباللّحوني
كل ماهبت هبوب اخلفت ظنّا=من يبيع الحب لايمكن يصوني
مير لاتطري مفارقنا وحنّا=بين ريضان المشاعر والغصوني
التوالي من رباع اليا مثنّا=والبقا في راس سدّادّ الديوني
هيه ياقلب المعنّا لاتعنّا=ماحمل راس الشقا غير المتوني
والمبادي خلها لاتمتحنّا=انت لامبدا ولاهم يحزنوني [/POEM]

ملاك الشعر والله العضيم انها قصيده جزله ولاغرابه فيما تقول ملاك الشعر

قصيده من الصميم وفي الصميم ذوق واحساس وعتاب وحكر وقافيه وسلاسه

لله درك على هالدره ملاك سجلي اعجابي ومتابعتي لماتقولين لله درك والله لايضرك

وصح لسانك وسلم بنانك مرار وتكرااااار

ابدعتي وامتعتي واشبعتي

تقبلي تحياتي