[POEM="font="Simplified Arabic,5,black,normal,normal" bkcolor="transparent" bkimage="" border="none,4,gray" type=1 line=1 align=center use=ex num="0,black""]لا تعتذر يا للي تسوق المعاذير=مال العذر في بعض الأحيان خانه
لو العذر يا راعي العذر تكفير=كفرت سيات الغرام أبحسانه
لا شك ما بقيت للعسر تيسير=أخذت كل اليسر في غير أوانه
ليتك حسبت أحساب طول المشاوير=ما بين صلفات الزمان وليانه
عسرتها والله عليه التياسير=وما خذت من ماضي التجارب فطأنه
بودعك دام الرجاء بالمقادير=قدام ما يندب خفوقي زمانه
وباقول ما قالوا العرب خير ياطير=ما طاح نجم الا ونجمٍ مكانه
وأن مرني ذكرك معى تالي عصير=بقول ما صان الأمين الأمانه
وبلقى النفسي الف حجة وتبرير=ورخي على قلبي لهجرك عنانه
مليت من قولت عسى المقبلة خير=ومليت تسميت الخطايا ميانه
وزريت للقاء للجفا منك تفسير=هذا وأنا اللي ما بخل في حنانه
حبيتك وبديت حبك عن الغير=وحطيت لك بين الحنايا مكانه
كنت بعيوني سيد كل الغنادير=دانه وشوفك غير عن كل دانه
لو تطلب اللي مستحيل أنه يصير=ايسره لو هو عسير اطليانه
ورغم الوفاء جازيتني بالتعازير=وبصد هديت الغرام وكيانه
وخسرتني والا أنت بغلا المخاسير=وكسبت قلبٍ ما كسبك أرهانه
واليوم جاي مصخر العذر تصخير=ما كنك اللي خان عهده ما صانه
روح مراح مقيط ورشاه بألبير=مرضى على النفس العزيزة لهانه
مع السلامة رافقتك التياسير=يبلغك قلبي جزيل امتنانه
ولا تعتذر ما عاد تجدي المعاذير=العذر ما بل الحلوق الظمانه[/POEM]