الغالي
خالد السويكت
____________
كل ما تكتبه أعدّه ( أغلى ) ما مرّ علي من ( قصيد ) ___ مدري ليه !
__________________________
لاتذكرني بحبك تزيـد الضيـق ضيـق
وش بقا لاصرت ناوي تفارق وش بقـا
خلني انساك وانسى الصداقه والصديـق
واذكر اني قد عشقتك على وضح النقـا
ليت مالي قلب طيـب يشـل مالايطيـق
كان انا والهم ذا الليل ماحـن باصدقـا
هو رفيقي كل مااقفيت جعل امحق رفيق
حدني صدك على اللـي رفاقتـه محقـا
شفني كل ليله امسك من الضيقه طريق
بين هم وغم وليـل وهواجيـس وشقـا
لين اعدي مرقبن يشرح الخاطر واويق
واظهر اللي بيني وبيـن نفسـي اتقـا
اصفق الكفين واجذب تنهاتـن عميـق
يوم ضاعت هقوة القلب يوم انـه هقـا
وش بقااااا من كثر ماقلتها لك جف ريق
سييييين ياحظن عثر مالقى ليلـة لقـى
الصدر غبة حزن مير بلعومي مضيـق
كل ماهنا قطعه سيـل صـدري لا سقـا
والله ان لي قلب واسع ولي وجهن طليق
لين مافارقتنـي وقمـت اردد وش بقـا
_________
صح لسانك ، بلا عدد
__
|