دارين

يمّه ..

املكيني ..

أو خذيني لك هدية

بس ما عندي ضمان

لو تبي مني ضمان

غير قلبٍ مشتريك

وغير حبٍ ينتخيك

وغير احساسٍ يصارخ

كل مارحتي .. ( ابيك )


*

*



إحمي ضعفي

واحضنيني

حتى اعبّر عن شعوري

لا لقيتك يمّي اول

من يجبّر لي كسوري

و اهمس بصوت الحقيقه

بانّك اول من سمعني

لاشكيت

وانّك اول من يربّت

فوق كتفي لا بكيت

وانّك اول من عطاني

في دفى حضنك حنان

وانّك اول من عطاني

وسط هالعالم امان



*

*



ضمّي احلامي معاك

واسمعي بنبضي غلاك

واعرفي ..

اني سكنتك

مثل مانتي تسكنيني