المشاركة الأصلية كتبت بواسطة سداح
وعليكم السلام ورحمة الله وبركاته
مرحبا ومسهلا يا المبدع الغائب الحاضر
الغالي / تركي المورقي
ياسرع ركض السنين ان ما تماكنتها
ضيعت وقتي ووقتك ياصديق الهجر
انشد طعونك .. وكم مرة تحضّنتها ؟
لين ان عيني تقول لحاير الدمع اجر
وشفيك يوم اكثر اشواقي تهاونتها
نعارة اعراب ؟ والا فوضوية غجر ؟
الا على طاري الاشواق ..!عيّنتها ؟
علميبها يوم طارت مع طيور الفجر
ان كان ماعشّشت في قلبك وصنتها
طالبك مطلوب فك اقفاصها والك اجر
بير المشاعر نشف قاعه وماه انتهى
ماكان ذنب السواقي يايباس الشجر
كنّي تعافيت يا اكثر حاجة ادمنتها
لو ثار بركان احاسيسي كذا وانفجر
اضغط على النفس واصبر لين ليّنتها
وقناعة النفس نعمة من ملكها تجر
حاجة ثقيلة على قلبي وبيّنتها
والقلب دم ولحم والله لو انه حجر
وان قلت كل القصايد فيك يابنتها
كلام شاعر لو انه ما عدل ما فجر
الله الله
الله الله الله
الله الله الله الله الله
ورب البيت انك من اذكى الشعراء واكثرهم جلبا للدهشه والا ترا ما افهم شي بتاتا
كلها كووم .. و (( ماه أنتهى )) كوم
أنت شاعر مذهل فعلا
والحقيقه من اروع ما قرأت ويا حظ المواهب حظاه عز الله
صح لسانك مليون مرّه يا تركي
لك مني سلام و تحيه واعجاب قديم متأصل ومتجدد ،
..
ماكذب عزالله 