منتديات المرقاب الأدبية - عرض مشاركة واحدة - (( طعّات )) .. أحرجت أصحابها .. (( 2 )) .. !!

07-09-2007, 02:31 PM

:
:

وهذي سالفه ..
دارت احداثها على احدى الطرق السريعه ..
سيارة (( جيب )) تقترب من نقطة (( التفتيش )) ..
يقوم العسكري يجر خطاه بتثاقل ..
يصل الى السياره الجيب .. ويرا بجانب الراكب (( حرمه )) عليها برقع ..
وكاحله عيونها .. فتطير عيونه فيها ..
يطلب من صاحب السياره .. أثباته والرخصه والأستماره .. لكي يطيل انتظاره ..
لعله يسرق مزيد من النظرات ..
يأخذ ماطلب ويتفاجأ بأن استمارة السياره (( مطووفه )) ..
عندها قام ابن الحلال يبي يسأل صاحب السيارة عن سبب تطويفها ..
قال : (( عيونها )) وراها مطوووفه .. ؟؟
قال صاحب السياره : أيش ؟؟
قال : (( عيونها )) وراها مطووفه ..
قال : وش عيونها .. ؟؟
وفطن لعمره قال : خذ اوراقك وتوكل على الله ..
وعاد يجر خطاه الى مكانه في انتظار جيب آخر (( عيونه )) مطووووفه .. !!